"წინასწარი გათვლებით ცხოვრება, ღმერთო ჩემო, რა დამღლელი იქნებოდა" - ბრედის პირველი კომენტარი ანჯელინასთან განქორწინებაზე წლების შემდეგ: რას ამბობს ჰოლივუდის ვარსკვლავი

ბრედ პიტმა ყოფილ მეუღლესთან, ანჯელინა ჯოლისთან განქორწინების დაძაბულ და ხანგრძლივ პროცესზე საჯაროდ პირველად ისაუბრა.

• ყოფილმა მეუღლეებმა გასული წლის დეკემბერში საბოლოოდ დაასრულეს სამართლებრივი დავა და შეთანხმებას მიაღწიეს - ამ შეთანხმების მიღწევას 8 წელზე უფრო მეტი დრო დასჭირდა.

ჟურნალ GQ-სთან ახალ ინტერვიუში, პიტს ჰკითხეს, გრძნობდა თუ არა რაიმეს განსხვავებულს მას შემდეგ, რაც ყოფილ ცოლთან სამართლებრივი დავა ოფიციალურად დასრულდა და იგრძნო თუ არა შვება, რასაც მსახიობმა ასე უპასუხა:

• "არა, არ ვფიქრობ, რომ ეს ასეთი მნიშვნელოვანი საკითხია, უბრალოდ იურიდიულად ყველაფერი დასრულდა, სულ ესაა".

პიტი ამჟამად ახალ ფილმში მონაწილეობს, რომელიც საავტომობილო რბოლებზეა მოგვითხრობს. "F1“-ის ეკრანებზე გამოსვლა 27 ივნისსაა დაგეგმილი. GQ-ს ინტერვიუში ვარსკვლავს ასევე ჰკითხეს, იყო თუ არა შეგნებული გადაწყვეტილება, რომ თავისი ახალი შეყვარებულის, ინეს დე რამონის გვერდით პირველად Formula-1- ის რბოლაზე გამოჩენილიყო.

"არა, მეგობარო, ყველაფერი ეგეთი გათვლილი არ არის. ასე წინასწარი გათვლებით რომ ვცხოვრობდეთ, ღმერთო ჩემო, რა დამღლელი იქნებოდა. თუ ისე ცხოვრობ, რომ ყველაფერზე ასეთ კალკულაციებს აკეთებ - არა, ცხოვრება უბრალოდ ვითარდება. ურთიერთობებიც ვითარდება.

ჩემი პირადი ცხოვრება ყოველთვის ახალ ამბებში ხვდება. უკვე 30 წელია ასეა", - ამბობს ჰოლივუდის ვარსკვლავი.

• როდესაც პიტისა და ჯოლის განქორწინება დასრულდა, ჯოლის ადვოკატმა, ჯეიმს საიმონმა განაცხადა: "მართალია, ანჯელინა ძალიან დაღლილია, მაგრამ შვებას გრძნობს, რომ ყველაფერი დასრულდა".

წყარო