ნიკა მელიამ მოსამართლეს წყალი შეასხა - მელია სხდომათა დარბაზიდან გაიყვანეს: რა ხდება პროცესზე

თბილისის საქალაქო სასამართლოში, სადაც „კოალიცია ცვლილებისთვის“ ერთ-ერთი ლიდერის, ნიკა მელიას პროცესი მიმდინარეობს, ნიკა მელიამ მოსამართლე ირაკლი შვანგირაძეს წყალი შეასხა.

• აღნიშნული მაშინ მოხდა, როცა ნიკა მელია მოსამართლეს მიმართავდა შემდეგი სიტყვებით, რომ „ის არის დავალების შემსრულებელი და რომ ის, როგორც მოსამართლე არ დაინტერესებულა თუ რატომ დააკავეს გუშინ უკანონოდ“.

"თქვენ ხართ თანამონაწილე. დაცვის ერთი რგოლი ხართ. უმნიშვნელო, ნაკლებად მნიშვნელოვანი თუ პირიქით, ეს არავინ ვიცით, თუმცა ფაქტია, რომ დანაშაულებრივი [ბანდის] ერთ-ერთი რგოლი ხართ, რომელსაც კითხვაც კი არ უჩნდება, აქ როგორ აღმოვჩნდი, ვინ გამიტაცა, რატომ გამიტაცა და რატომ დააზიანა მანქანაში ჩამონტაჟებული ვიდეოჩამწერი მოწყობილობები", - მიმართა მელიამ მოსამართლეს.

მას შემდეგ, რაც ნიკა მელიამ მოსამართლეს წყალი შეასხა, მელია სხდომათა დარბაზიდან გაიყვანეს. პარალელურად, პროცესზე დამსწრეებსა და მანდატურებს შორის შეხლა-შემოხლა მოხდა და მოსამართლემ შესვენება გამოაცხადა.

წაიკითხეთ ასევე:

• საგამოძიებო კომისიაზე გამოუცხადებლობის საქმეზე, სასამართლომ ნიკა მელიას გირაო პატიმრობით შეუცვალა
• "ამდენი წლის ექიმი ვარ და ნიკასთვის გირაოს გადახდა არ გამიჭირდებოდა, მაგრამ ამიკრძალა... ბავშვი შემეცოდა, სანდრო" - ანზორ მელია