"ღმერთს ვეუბნებოდი მადლობას... თასს რომ ვეხუტებოდი, ერთად გამიელვა ყველაფერმა" - ხვიჩა კვარაცხელია მატჩის შემდეგ
"ღმერთს ვეუბნებოდი მადლობას", - ამის შესახებ ხვიჩა კვარაცხელიამ "ჩემპიონთა ლიგის" ფინალის მოგების შემდეგ "პალიტრანიუსის" და YouTube არხ TST sport-ის ჟურნალისტის, ცოტნე შაორშაძის კითხვის საპასუხოდ აღნიშნა.
- "ღმერთს ვეუბნებოდი მადლობას იმიტომ რომ, როცა შრომობ უკან გიბრუნდება ყველაფერი, მადლიერი ვარ ამისთვის, მადლობას ვუხდიდი ღმერთს, რომ ასეთი დღე მაჩუქა, გოლი გავიტანე.
ლიგის თასს რომ ვეხუტებოდი, მაშინ იმას ვფიქრობდი, რომ პატარა ბიჭი რომ ვიყავი, რომელსაც ეს ოცნება ჰქონდა, ერთად გამიელვა ყველაფერმა, ის პერიოდი რაც გავიარე ფეხბურთთან ერთად და ცხოვრებასთან ერთად, ერთად ჩამიარა ყველაფერმა", - თქვა კვარაცხელიამ.
- ნახეთ ასევე:
- ზეიმი მატჩის შემდეგ - რა კადრებს აქვეყნებს ნიცა თავაძე?
- "კვარა" ჩემპიონთა ლიგის გამარჯვებულია: პსჟ-მ "ინტერი" გაანადგურა