"თავგანწირული სიყვარული?" - დააკავეს კაცი, რომელიც ტრამპის რეზიდენციაში შეიპარა, რათა დონალდის შვილიშვილისთვის ხელი ეთხოვა

დააკავეს ტეხასელი მამაკაცი, რომელიც ფლორიდაში, დონალდ ტრამპის რეზიდენციაში შეიპარა და აშშ-ის პრეზიდენტის შვილიშვილისთვის, კაი ტრამპისთვის ხელის თხოვნა სურდა. ინფორმაციას NBC News ავრცელებს.

დაკავებული 23 წლის ენტონი რეიესია.

• რეიესმა პოლიციას განუცხადა, რომ ის რეზიდენციის კედელზე აცოცდა, საიდანაც სურდა კაისთვის ცოლობა ეთხოვა.

პოლიციის განცხადებით, რეიესს არ მიეცა დაცულ ადგილას შესვლის შესაძლებლობა. პრეზიდენტის დაცვამ რეიესი მას შემდეგ დააკავა, რაც სიგნალიზაცია ამოქმედდა.

დონალდის შვილიშვილი კაი ტრამპი 18 წლისაა. გოგონამ პირველად მაშინ მიიპყრო საზოგადოების ყურადღება, როდესაც ბაბუის წინასაარჩევნო კამპანიის დროს საზოგადოებას სიტყვით მიმართა. კაი დონალდის უდიდესი მხარდამჭერია. კაი ტრამპს ოჯახის ახალ ვარსკვლავსაც უწოდებენ.

• ნახეთ ასევე:
• ახალი ვარსკვლავი ტრამპების ოჯახიდან: ვინ არის გოგონა, რომელმაც "რესპუბლიკელთა" ყრილობაზე ბაბუას "შოუ მოჰპარა"
• როგორ აღნიშნა დონალდ ტრამპის პოპულარულმა შვილიშვილმა დაბადების დღე - გოგონა მეგობრებთან ერთად გადაღებულ კადრებს სოციალურ ქსელში აქვეყნებს