ანომალიური ამინდები აფრიკაში - დიდთოვლობას და წყალდიდობას მსხვერპლი მოჰყვა: წყალმა მოსწავლეებით სავსე მიკროავტობუსი წაიღო (ფოტო/ვიდეო)
სამხრეთ აფრიკაში დიდთოვლობის შედეგად გამოწვეულ წყალდიდობას სულ მცირე 49 ადამიანი ემსხვერპლა.
როგორც CNN წერს, გარდაცვლილებს შორის ბავშვებიც არიან, რომელთა სასკოლო ავტობუსი ექსტრემალური ამინდის დროს წყლის უეცარმა მოვარდნამ წაიღო.
შემთხვევის მომენტში ავტობუსში მძღოლი და 10 ბავშვი იმყოფებოდა. სამი ბავშვი ამ დროისთვის ცოცხალი იპოვეს.
გამოცემის ცნობით, სტიქიის გამო აღმოსავლეთ კეიპის პროვინციაში წყალდიდობამ ასობით ადამიანი აიძულა სახლები დაეტოვებინათ.
ამ დრომდე ასობით სახლს ელექტროენერგია არ მიწოდება, შეზღუდულია გზებზე გადაადგილება.