"როცა გონს მოვეგე, გარშემო მხოლოდ ცხედრებს ვხედავდი" - რას ჰყვება ინდოეთის ავიაკატასტროფას გადარჩენილი ერთადერთი მგზავრი? ცნობილია ადგილი თვითმფრინავში, სადაც ის იჯდა
ინდოეთის ჩრდილო-დასავლეთ, ქალაქ აჰმედაბადში, ლონდონის მიმართულებით მიმავალი Air India-ს თვითმფრინავი აფრენისას ჩამოვარდა. ბორტზე 244 ადამიანი იმყოფებოდა. The Telegraph-ის ცნობით, ავიაკატასტროფას ერთი ადამიანი გადაურჩა. მამაკაცი, რომელიც ბრიტანეთის მოქალაქეა, ამჟამად საავამდყოფოში იმყოფება.
- წინასწარი ცნობებით, გადარჩენილი მგზავრი ბრიტანეთის მოქალაქე ვიშვაშ კუმარ რამეშია. ინდური მედიის ინფორმაციით, ისინი ვიშვაშს კლინიკაში ესაუბრნენ და გაარკვიეს თუ რომელ ადგილას იჯდა თვითმფრინავში.
მედიის ცნობით, მგზავრი იჯდა მე-11 რიგში, A სკამზე.
- "ყველაფერი ძალიან სწრაფად მოხდა. როცა გონს მოვეგე, გარშემო მხოლოდ ცხედრებს ვხედავდი. შემეშინდა. ავდექი და გავიქეცი. ჩემს გარშემო თვითმფრინავის ნაწილები იყო მიმოფანტული. ვიღაცამ ხელი მომკიდა, სასწრაფო დახმარების მანქანაში ჩამსვა და საავადმყოფოში წამიყვანა", - იხსენებს მამაკაცი.
რამეშის თქმით, ის ლონდონში ცოლ-შვილთან ერთად ცხოვრობს, თუმცა ძმასთან, აჯაისთან ერთად ინდოეთისქალაქ დიუში იმყოფებოდა. მისი ძმა თვითმფრინავში სხვა რიგში იჯდა.
კატასტროფის ადგილას 200-ზე მეტი ცხედარი იპოვეს. თვითმფრინავის ბორტზე, მათ შორის 230 მგზავრი და ეკიპაჟის 12 წევრი. მგზავრებს შორის 169 ინდოეთის მოქალაქე, 53 დიდი ბრიტანეთის, 7 პორტუგალიისა და ერთი კანადის მოქალაქე იყო. სამგზავრო თვითმფრინავი, რომელიც ლონდონში მიფირნავდა, დასახლებულ პუნქტში ჩამოვარდა და სტუდენტების საერთო საცხოვრებელს შეეჯახა.
"თვითმფრინავის აფრენისთვის ორი რამ არის საჭირო. საკმარისი ჰაერის სიჩქარე და ასვლის სიჩქარე და მას არც ერთი არ ჰქონდა“, - განუცხადა Sky News-ს კადრების განხილვის შემდეგ საავიაციო უსაფრთხოების ანალიტიკოსმა და სამეფო აერონავტიკის საზოგადოების თანამშრომელმა პოლ ედვარდსმა.
