მორიგი სკანდალი შონ "დიდი" კომბსის პროცესზე - რატომ გააძევეს სასამართლოდან რეპერის მხარდასაჭერად მისული კანიე უესტი
პარასკევს, რეპერი კანიე უესტი შონ „დიდი“ კომბსის ფედერალურ სასამართლო პროცესზე დასასწრებად მივიდა, თუმცა, როგორც ამბობენ, სასამართლო დარბაზიდან გააძევეს.
- უესტის გამოჩენამ აშშ-ის რაიონული სასამართლოს შენობასთან აჟიოტაჟი გამოიწვია. კომბსის ვაჟი, კრისტიან კომბსი, მას სასამართლოს მთავარ შესასვლელთან შეხვდა და გადაეხვია. ჟურნალისტების კითხვაზე, იმყოფებოდა თუ არა სასამართლოში კომბსის მხარდასაჭერად, უესტმა თავი დაუქნია და უპასუხა: „დიახ“.
თუმცა, სულ რაღაც 40 წუთის შემდეგ კანიემ შენობა დატოვა. როგორც ამბობენ, ის და მისი დაცვის ჯგუფი 23-ე სართულზე არსებულ სხვა ოთახში გადაიყვანეს. კომბსის სასამართლო პროცესი შენობის 26-ე სართულზე, მოსამართლე არუნ სუბრამანიანის სასამართლო დარბაზში მიმდინარეობს.
აღსანიშნავია, რომ ვესტთან ერთად მისი მეუღლე, ბიანკა ცენსორი არ იმყოფებოდა. 2024 წლის სექტემბერში, შონ კომმბსის დაპატიმრების შემდეგ, კანიე მას მხარს საჯაროდ უჭერდა.
შეგახსენებთ, რომ შონ კომბსი ნიუ იორკში 16 სექტემბერს დააკავეს, მას შემდეგ, რაც ნაფიც მსაჯულთა სასამართლომ სექსუალური ძალადობის კუთხით ბრალი წაუყენა. Diddy-ს ადვოკატ მარკ აგნიფილოს თქმით, რეპერი თავს უდანაშაულოდ მიიჩნევს.