ეთერ ლიპარტელიანი გახდა პირველი ქართველი ქალი, რომელმაც მსოფლიოს ჩემპიონატში გაიმარჯვა

უნგრეთის დედაქალაქ ბუდაპეშტში მიმდინარე ძიუდოს მსოფლიო პირველობაზე 25 წლის ეთერ ლიპარტელიანი (57 კგ) ჩემპიონი გახდა და საქართველოს ნაკრებს პირველი მედალი მოუპოვა.

გადამწყვეტ ბრძოლამდე ლიპარტელიანმა ჯუ კიმი (სამრეთ კორეა), დარია კურბონმამადოვა (რუსეთი), პილა სალონენი (ფინეთი) და მაისა პარდაიევა (თურქმენეთი) დაამარცხა, ფინალში კი მომო ტამაოკის (იაპონია) სძლია. მან ყველა მეტოქეს იპონით მოუგო.

აქამდე არცერთი ქართველი ძიუდოისტი ქალი ფინალში არ გასულა.

სამწუხაროდ, მედლების გარეშე დარჩნენ გიორგი სარდალაშვილი (60 კგ), ვაჟა მარგველაშვილი (66 კგ), ლაშა შავდათუაშვილი (73 კგ) და ნინო ლოლაძე (57 კგ).

იხილეთ ასევე:

• ძიუდოისტი წყვილი, რომელთა ხელის თხოვნის ვიდეო ვირუსულად გავრცელდა, დაქორწინდა - ეთერ ლიპარტელიანისა და თემურ ნოზაძის ფოტოები