კანიბალიზმი ომში: რუსმა ჯარისკაცმა თანამებრძოლი მოკლა და შეჭამა - რა დეტალებზე საუბრობს კიევის სამხედრო დაზვერვა
კიევის სამხედრო დაზვერვის ცნობით, უკრაინაში, ფრონტის ხაზზე მყოფმა რუსმა ჯარისკაცმა თავისი თანამებრძოლი მოკლა და გვამი შეჭამა. "კიევ პოსტის" ცნობით, უკრაინის დაზვერვის მთავარმა დირექტორატმა, სავარაუდოდ, ორი რუსი ჯარისკაცის საუბარი მოისმინა, რომლებმაც კანიბალისტი „ბრელოკის“ ისტორიას უზიარებდნენ ერთმანეთს.
- მათი თქმით, ჯარისკაცმა ეს მძიმე პირობებში თავის გადასარჩენად გააკეთა, თუმცა ბოლოს მაინც გარდაიცვალა.
"ჯანდაბა... ბრელოკმა შეჭამა... მოკლა და ორი კვირის განმავლობაში ჭამდა. მან თავისი თანამებრძოლი შეჭამა. ასე რომ, კი... რაღაცაზე უნდა დავფიქრდე. მეც შოკში ვიყავი“, - თქვა პირველმა ზარის ავტორმა.
ცნობის თანახმად, კანიბალი მკვდარი იპოვეს.
ცნობილი ფაქტია, რომ რუსეთმა უკრაინაში თავისი რიგების შესავსებად კრიმინალები გამოიყენა. Politico-ს ცნობით, ნიკოლაი ოგოლობიაკი — სატანისტი, რომელიც 2008 წელს ორი ახალგაზრდა ქალის მკვლელობასა და მათი ორგანოების დამუშავებაში იყო მსჯავრდებული — 2023 წელს რუსეთისთვის საბრძოლველად გაგზავნეს.
„დეილი მეილის“ ცნობით , ფრონტის ხაზზე გაგზავნეს მსჯავრდებული დიმიტრი მალიშევი, რომელიც სამი მამაკაცის მკვლელობისა და ერთ-ერთი მათგანის გულის შეწვისთვის დააპატიმრეს.