"ოქტაგონს შენი სახით მოვწმენდ" - რატომ უპირისპირდება არმან ცარუკიანი ილია თოფურიას?
რამდენიმე დღეში UFC-ის ქართველი მებრძოლის, ილია თოფურიას მორიგ ბრძოლას ვნახავთ. 29 ივნისს ის ჩარლზ ოლივეირას დაუპირისპირდება. საინტერესოა, რომ დაპირისპირების მთავარ გმირებზე უფრო მეტად სომეხი მებრძოლი, არმან ცარუკიანი აქტიურობს და ილიას არაერთი პოსტი მიუძღვნა.
- საქმე ისაა, რომ არმანი თოფურია-ოლივეირას ბრძოლის დამზღვევია, რაც იმას ნიშნავს, რომ თუ ჩარლზი ან ილია ჩხუბს ვერ შეძლებენ რაიმე მიზეზით, შემცვლელი ცარუკიანი იქნება
თავდაპირველად, როდესაც ილიას ცარუკიანის შანსების შესახებ ჰკითხეს, ქართველმა მებრძოლმა ასე უპასუხა:
"არმანს ჩემთან შანსი არ აქვს, პირველი რაუნდი, პირველი წუთები, რას გააკეთებს ფეხებში შემოვა? კარგით რა, ის ჩემთვის ყველაზე მარტივი მეტოქე იქნება"
ცარუკიანის პასუხმა არ დააყოვნა: ილოცე, რომ ოლივეირას არაფერი მოუვიდეს, რადგან შენთვის ყველაზე რთული მოწინააღმდეგე სწორედ მე ვარ. შენ იბრძვი ქამარზე ისეთ მეტოქესთან, რომელიც მე უკვე დამარცხებული მყავს." - დაწერა არმან ცარუკიანმა.
- ილია თოფურიამ უპასუხოდ არც ეს განცხადება დატოვა და სოციალურ ქსელ X-ზე არმანის პოსტი გააზიარა შემდეგი წარწერით - "შე ქინძო, ფოთოლო".
ცარუკიანმა ილიას ამ განცხადებას პლატფორმა X-ზე შემდეგნაირად უპასუხა: - "თუ მოიგებ, ოქტაგონს შენი სახით მოვწმენდ".