პენტაგონი აქვეყნებს უნიკალურ კადრებს - რა ზიანს იწვევს ბომბები, რომლებიც აშშ-მა ირანის ბირთვულ ობიექტებზე იერიშისთვის გამოიყენა
პენტაგონმა გაავრცელა კადრები, სადაც ჩანს თუ როგორია ირანში მიწისქვეშა სამიზნეების წინააღმდეგ გამოყენებული ჭურვების ზემოქმედება და მისი ძალა.
-
როგორც ნიუ იორკ პოსტი წერს, აშშ-მა GBU-57 სერიის ბომბები გამოიყენა, რომლებსაც "ბუნკერების გამანადგურებელს" უწოდებენ.
"ჩვეული ზედაპირული მოქმედების ბომბებისგან განსხვავებით, ისინი ძირითად ნგრევას მიწისქვეშ იწვევენ, ამიტომაც მათი გამოყენების ადგილზე ვერ დაინახავთ საბრძოლო მოქმედებებისთვის დამახასიათებელ დიდი ზომის კრატერებს", - განუმარტა ჟურნალისტებს გაერთიანებული შტაბების თავმჯდომარემ, გენერალ-ლეიტენანტმა დენ კეინიმ.
ცნობისთვის, ირანის საგარეო საქმეთა მინისტრის, აბას არაღჩის განცხადებით, აშშ-ის მიერ ირანის ბირთვულ ობიექტებზე განხორციელებულმა დარტყმებმა ფართო და სერიოზული ზიანი გამოიწვია, - ინფორმაციას CNN-ი ირანულ მედიაზე დაყრდნობით ავრცელებს.
- "უნდა ვთქვა, რომ ზიანი ფართო და სერიოზულია, მაგრამ უნდა მოვიდნენ თუ არა "ატომური ენერგიის საერთაშორისო სააგენტოს“ ინსპექტორები და უნდა იყვნენ თუ არა სრულად ინფორმირებულები, ეს გადაწყვეტილება პარლამენტის კანონის შესაბამისად უნდა იქნას მიღებული. ჩემი აზრით, ეს გადაწყვეტილება ეროვნული უშიშროების უზენაესმა საბჭომ უნდა მიიღოს“, - განაცხადა არაღჩიმ.
შეგახსენებთ, ირანის პარლამენტმა მხარი დაუჭირა ატომური ენერგიის საერთაშორისო სააგენტოსთან ქვეყნის თანამშრომლობის შეჩერებას, თუმცა, საბოლოო გადაწყვეტილება ირანის უშიშროების უზენაესმა საბჭომ უნდა მიიღოს.