პირველი ტაიმის შემდეგ კვარაცხელიას პსჟ მესის "ინტერ მაიამის" ანადგურებს - ამერიკელების ხისტი თამაში და  4 უპასუხო გოლი მათ კარში

მსოფლიოს საკლუბო ჩემპიონატის მერვედფინალში პსჟ "ინტერ მაიამის" ხვდება და პირველი ტაიმის შემდეგ დამაჯერებლად იგებს, ანგარიშით 4:0.

პარიზულების მწვრთნელმა ლუის ენრიკემ შემედგი ძირითადი შემადგენლობით გაიყვანა გუნდი მოედანზე:

• დონარუმა, ჰაკიმი, მარკინიოსი, პაჩო, მენდეში, ნევეში, ვიტინია, ფაბიანი, დუე, ბარკოლა, კვარაცხელია.

მოგეხსენებათ, ამერიკული გუნდის შემადგენლობაში თამაშობენ ლეგენდარული ლიონელ მესი და სუარესი.

მატჩი ატლანტას "მერსედეს-ბენცზე" მიმდინარეობს.

პირველი ტაიმი პარიზელების უპირატესობით დაიწყო და ასევე წარიმართა, აქტიური იყო ჩვენებურიც. სამაგიეროდ, ძალიან პასიურები იყვნენ "ინტერ მაიამი" და მისი ლიდერი ლიონელ მესი.

ანგარიში მატჩში მე-6 წუთზე ჟოაო ნევესის გოლით გაიხსნა.

მალევე კიდევ ერთი გავიდა ამერიკელების კარში, თუმცა მსაჯებმა თამაშგარე მდგომარეობა დააფიქსირეს და გოლი არ ჩაითვალა.

39-ე წუთზე ნევესმა კიდევ ერთხელ აიღო "ინტერ მაიამის" კარი და ანგარიში 2:0 გახდა.

44-ე წუთზე კი პარიზელების სწრაფი შეტევის შედეგად ავილესმა საკუთარ კარში ჩაჭრა ბურთი და სხვაობა სამ ბურთამდე გაიზარდა.

დამატებით დროში კი ჰაკიმიმ მე-4 გოლი გაუტანა ამერიკელებს.

თამაში საკმაოდ ხისტია, განსაკუთრებით უხეშობენ ამერიკელები, კვარაცხელია ორჯერ გადაურჩა სერიოზულ ტრავმას.