"ტორტი ერთად გაჭრეს... სპორტული ძმობა" - გურამ თუშიშვილი ვლადიკავკაზში ჩავიდა და ტასოევის ჩემპიონობა აღნიშნა: ზეიმს ესწრებოდა სამხრეთ ოსეთის ე.წ. პრემიერიც (ვიდეო)
19 ივნისს, რუსმა ძიუდოისტმა, ინალ ტასოევმა, ბუდაპეშტში გამართულ მსოფლიო ჩემპიონატზე, 100კგ-ზე მეტ წონით კატეგორიაში ოქროს მედალი მოიპოვა და ფინალში ქართველი სპორტსმენი, გურამ თუშიშვილი დაამარცხა.
- 2 ივლისს ტასოევი ჩრდილოეთ ოსეთში დაბრუნდა. აეროპორტში მას გულშემატკივრები და ოფიციალური პირები დახვდნენ. ზეიმი მოგვიანებით ვლადიკავკაზის რესტორან Торне-ში გაგრძელდა.
არსებული ინფორმაციით, ვლადიკავკაზში ჩავიდა გურამ თუშიშვილიც და ტასოევთან ერთად აღნიშნა მეტოქის ჩემპიონობა. სოციალურ ქსელებში გავრცელებულ ვიდეო კადრებში ჩანს, თუ როგორ ჭრიან ტასოევი და თუშიშვილი ერთად ტორტს.
"აი, ისიც - სპორტული ძმობა", - წერს წერს Judo News Online "ტელეგრამის" არხზე და გამომწერებს ვიდეოს უზიარებს:
<script async src="https://telegram.org/js/telegram-widget.js?22" data-telegram-post="judoline/5841" data-width="100%"></script>ჩრდილოეთ ოსეთის ხელისუფლებამ ინალ ტასოევს ვლადიკავკაზში სამოთახიანი ბინა გადასცა. ზეიმს ასევე ესწრებოდა რუსეთის მიერ ოკუპირებული "სამხრეთ ოსეთის" ე.წ. პრემიერ-მინისტრი კონსტანტინ ჯუსოევი.
აღსანიშნავია, რომ რუსი ძიუდოისტები ტურნირებზე ინდივიდუალურად, ნეიტრალურ სპორტსმენებად ასპარეზობენ.