"ლელო - ძლიერი საქართველო" თვითმმართველობის არჩევნებში მონაწილეობას მიიღებს
"ლელო - ძლიერი საქართველო" თვითმმართველობის არჩევნებში მონაწილეობას მიიღებს.
ამის შესახებ "ლელო - ძლიერი საქართველოს" ოფისში სპეციალური ბრიფინგი გაიმართა.
- როგორც პარტიის გენერალურმა მდივანმა ირაკლი კუპრაძემ განაცხადა, შედიან ბრძოლაში „რუსული რეჟიმის წინააღმდეგ კიდევ ერთ მთავარ ველზე“.
"ჩვენ შევდივართ ბრძოლაში, დიქტატურის, რუსული რეჟიმის წინააღმდეგ კიდევ ერთ მთავარ ველზე. ჩვენ ვირჩევთ ბრძოლას. მზად ვართ, სრული ჩართულობისთვის. 4 ოქტომბერი არის დე-ფაქტო ხელისუფლების წინააღმდეგ, დე-ფაქტო არჩევნებში ბრძოლა. ეს არის საქართველოს თითოეული მოქალაქის ინდივიდუალური პროცესი და განაჩენი რეჟიმისადმი. რეჟიმის წინააღმდეგ ბრძოლა ერთობლივი მოსაგებია. ჩვენ ვართ მზად ტოტალური წინააღმდეგობისთვის, რეპრესიებისთვის, პატიმრობისთვის. დე-ფაქტო ხელისუფლებასთან, დე-ფაქტო ბრძოლა გამოგვიცხადებია და პირველ რიგში გვაქვს თქვენი, საზოგადოების იმედი“,- განაცხადა კუპრაძემ.