"გიორგი ეკვადორში გაძარცვეს... დამაძინებლით გაბრუებული დატოვეს, გიო კლინიკაში გადაიყვანეს" - რა ინფორმაციას აქვეყნებს სალი წვერავა

ცნობილი ვიდეოგრაფი და იუთუბერი, გიო ჯობავა ეკვადორში გაძარცვეს. ინფორმაციას ამის შესახებ მისი მეუღლე, სალი წვერავა ავრცელებს. სალი აქვეყნებს ვიდეოს, სადაც, ამბობს, რომ მძარცველებმა ჯობავა დამაძინებლის გაბრუებული დატოვეს.

• "სიტყვებს თავს ვერ ვუყრი. გიორგი ეკვადორში გაძარცვეს 30 000 დოლარის ღირებულების ტექნიკა არის გატანილი მისი სახლიდან. გიო კლინიკაში გადაიყვანეს. ანალიზები, ყველაფერი გაუკეთეს, მის ჯანმრთელობას ახლა, ამ ეტაპზე არანაირი საფრთხე არ ემუქრება, თუმცა მენტალური ჯანმრთელობა ძალიან ცუდ მდგომარეობაშია.

აბსოლუტურად ყველაფერი წაიღეს, ორი კამერა, სამი ლინზა, დრონი, ლეპტოპი, ფული. დატოვეს დამაძინებლით გაბრუებული, მაგრამ ამ ყველაფრის მიუხედავად, ის წავიდა ამაზონის ჯუნგლებში იმიტომ, რომ ტელეფონით გადაიღოს ვიდეო

მთავარია ცოცხალია! მთავარია კარგად არის! დანარჩენს ეშველება!

მე განადგურებული ვარ… იმედი მაქვს და მჯერა რომ ყველაფერი იქნება კარგად… მთავარია ჯანმრთელად დაბრუნდეს ჩემთან, რომ ჩავეხუტო და კიდევ ერთხელ ვუთხრა რომ ყველაფერი კარგად იქნება", - ამბობს სალი წვერავა.