"დედაჩემი ლოგინად არის ჩავარდნილი, ბავშვების დედა, ენი კლუბური ცხოვრებით ცხოვრობს..." - გიორგი ყიფშიძის გამოწვევები და დაბრუნება ცნობილ სერიალში, 20 წლის შემდეგ
გიორგი ყიფშიძე ქართული კინოსა და ტელევიზიის ერთ-ერთი გამორჩეული სახეა, რომლის შემოქმედებითი გზა მრავალფეროვანი როლებითა და პერსონაჟებით არის სავსე. წლების განმავლობაში მან მოახერხა მაყურებლის სიყვარული და პატივისცემა მოეპოვებინა, თუმცა, როგორც თავად აღნიშნავს, გადაცემაში „სივრცე ანასტასიათან“ მსახიობის პროფესია საქართველოში დიდ ფინანსურ სტაბილურობას არ გულისხმობს. ამჟამად, გიორგი ორ შვილს ზრდის და აღიარებს, რომ შემოსავლის ძირითადი წყარო სერიალებია, რომელთა გარეშეც "არ იცის, რა ეშველებოდა".
პირადი ცხოვრება და გამოწვევები
გიორგი ყიფშიძის პირადი ცხოვრება, ისევე როგორც ბევრი ხელოვანის შემთხვევაში, საზოგადოების ყურადღების ცენტრში არაერთხელ მოქცეულა. მსახიობი ხშირად საუბრობს შვილების აღზრდის სირთულეებზე, განსაკუთრებით იმ ფონზე, როდესაც დედამისი, როგორც თავად ამბობს, "ლოგინად არის ჩავარდნილი" და ვერ ეხმარება. მიუხედავად ამისა, მამამისი როგორც მატერიალურად, ისე მორალურად უდგას გვერდით. ბავშვების მოვლაში მას ხანდახან ყოფილი მეუღლის ბებია ეხმარება, თუმცა მუდმივი დამტოვებელი არ ჰყავს.
"დედაჩემი ვერ მეხმარება, ლოგინად არის ჩავარდნილი, მამაჩემი მატერიალურად და მორალურად მეხმარება, რადგან მსახიობს არ აქვს ის შემოსავალი, რომ ორი შვილი არჩინოს. გამორიცხულია. სერიალები რომ არ იყოს, არ ვიცი, რა მეშველებოდა. დამტოვებელი, როგორც ასეთი, არ მყავს. ჩემი ყოფილი ცოლის ბებია ხანდახან მოდის ხოლმე და მეხმარება. ბავშვების დედა, ენი ახალგაზრდაა და უფრო კლუბური ცხოვრებით ცხოვრობს, თვითონ ვერ გაიზარდა ისე, რომ ეს პასუხისმგებლობა აიღოს. არაფერს ვაბრალებ. მოდით, არც მწვადს დავწვავ და არც შამფურს და არაფერს ვიტყვი…“, – ამბობს გიორგი ყიფშიძე.
"უსამშობლოები" და "ცხელი ძაღლის" დაბრუნება
რთული პირადი ცხოვრების პარალელურად, გიორგი ყიფშიძე აქტიურად აგრძელებს შემოქმედებით საქმიანობას. მან ცოტა ხნის წინ ორი ახალი სერიალის გადაღებები დაიწყო. ერთ-ერთი მათგანია "იუთუბ სერიალი" - "უსამშობლოები". მსახიობი აღნიშნავს, რომ გადაღებები ზაფხულის სიცხეებში, აგვისტოში მიმდინარეობს, რაც დამატებით სირთულეებს ქმნის, თუმცა იმედოვნებს, რომ პროექტი მაყურებლისთვის საინტერესო იქნება.
ყველაზე მნიშვნელოვანი სიახლე კი, რომელსაც გიორგი ყიფშიძე საზოგადოებას პირველად აუწყებს, ლეგენდარული სერიალის, "ცხელი ძაღლის" გაგრძელებაა. 20 წლის შემდეგ, საკულტო სერიალი ბრუნდება.
"რაც ყველაზე მთავარია და პირველად ვასაჯაროებ ამ ინფორმაციას, რომ 20 წლის შემდეგ სერიალ "ცხელ ძაღლს" ვაგრძელებთ. წინასწარ ძნელია რამის გაცხადება, მაგრამ იმედია, მაყურებლისთვის საინტერესო იქნება“, - განაცხადა გიორგი ყიფშიძემ.
"ცხელი ძაღლი" ერთ დროს ქართული ტელევიზიის ფენომენი იყო, რომელსაც დღემდე უამრავი გულშემატკივარი ჰყავს. შეგახსენებთ, რომ გიორგი ყიფშიძე პირველ ცოლს, კრისტის წლების წინ სკანდალურად დაშორდა. მათი დაშორების მიზეზი ღალატი გახდა...
ამის შემდეგ გიორგი ყიფშიძემ ანი ჩიკვილაძეზე იქორწინა, თუმცა ეს ქორწინებაც დაინგრა, მედია წერდა, რომ გიორგის მაშინდელი თავისი მეწყვილე ჯულია ბარგნარი შეუყვარდა. კოვიდამდე ცოტა ხნით ადრე ყიფშიძემ ენი გასიევაზე იქორწინა, თუმცა ეს ქორწინებაც სკანდალურად დაიშალა. დიდი ხნის განმავლობაში მედიაში წყვილის მხრიდან ურთიერთ ბრალდებების ტალღა არ შეწყვეტილა.