ბრიჯიტისგან უარყოფილი ემანუელი - მორიგი დაძაბულობა მაკრონებს შორის: რა მოხდა ბრიტანეთის სამეფო ოჯახთან შეხვედრისას

საფრანგეთის პრეზიდენტის, ემანუელ მაკრონის მეუღლემ თვითმფრინავიდან ჩამოსვლისას ქმრისგან დახმარების შეთავაზება უგულებელყო. შემთხვევა მაკრონების ბრიტანეთში ვიზიტისას მოხდა.

დაახლოებით ერთი კვირის წინ მსოფლიო მედიის ყურადღება მიიპყრო ვიდეო, სადაც ჩანდა თვითმფრინავში როგორ გააწნა სილა სახეში ბრიჯიტმა ქმარს.

• ამჯერად საფრანგეთის ლიდერს ხელი გაწვდილი ჰქონდა, როდესაც მისი მეუღლე თვითმფრინავის კიბეებზე ჩამოდიოდა. თვითმფრინავთან მათ პრინცი უილიამი და ქეით მიდლტონი ელოდნენ.

• ბრიჯიტ მაკრონმა, რომელიც მთლიანად თეთრებში იყო გამოწყობილი, მეუღლეს ყურადღება არ მიაქცია და სამაგიეროდ, მოაჯირს მოჰკიდა ხელი, რის გამოც მაკრონი მას უხერხულად მოშორდა.

შეხვედრები სამეფო ოჯახთან და საზოგადოებასთან

უილიამთან და ქეითთან შეხვედრის შემდეგ, მაკრონები RAF Northolt-ის აეროდრომიდან (დასავლეთ ლონდონი) უინძორის სასახლეში გაემგზავრნენ, რათა შეხვედროდნენ მეფე ჩარლზ III-სა და კამილას.

ამის შემდეგ წყვილის გზები გაიყო: საფრანგეთის პრეზიდენტი ბრიტანეთის მონარქთან ერთად ღია ეტლით გაემგზავრა უინძორის ქუჩებში, ხოლო პირველი ლედი ცალკე ეტლში იჯდა დედოფალთან ერთად.

ბრიჟიტი ბრიტანელ საზოგადოებასთან ბევრად უფრო მეგობრული ჩანდა, ვიდრე მეუღლესთან. ის კოცნას უგზავნიდა ხალხს, როდესაც ეტლი უინძორის ვიწრო ქუჩებში გადიოდა, ხოლო სახელმწიფო ორკესტრი საფრანგეთის ეროვნულ ჰიმნს, "მარსელიოზას“ უკრავდა.