პატარძლის ელფერი, კადრებში "დაკარგული" მილიონერი შეყვარებული, ვარსკვლავური სტუმრები და გრანდიოზული ტორტი - ფოტოები შორენა ბეგაშვილის მდიდრული იუბილედან
მსახიობმა, მოდელმა და ტელეწამყვანმა შორენა ბეგაშვილმა 43 წლის იუბილე გრანდიოზულად აღნიშნა. მედიის ყურადღების ცენტრში მოქცეული წვეულება ამჯერად დიღომში, მის მდიდრულ ვილაში გაიმართა, რომელიც, როგორც ცნობილია, სამი წლის წინ საყვარელმა მამაკაცმა, მილიონერმა ბიზნესმენმა მამუკა ურუშაძემ აჩუქა.
ვარსკვლავური სტუმრები და თეთრი დრესკოდი
წვეულებაზე, რომელიც აუზთან იყო გაშლილი, შორენას ოჯახის წევრები და უამრავი ცნობილი მეგობარი შეიკრიბა. სტუმრებს შორის იყვნენ ქართული შოუ-ბიზნესის ვარსკვლავები: აჩიკო მეფარიძე, ლელა წურწუმია, მამულიჩა, მაკა ზამბახიძე მეუღლესთან ერთად, ხატია შამუგია, რატი დურგლიშვილი და მრავალი სხვა.
საღამოს დრესკოდი თეთრი იყო, რასაც ყველა სტუმარი ზედმიწევნით იცავდა. იუბილარმა შორენა ბეგაშვილმაც თეთრი, მოხდენილი კაბა აირჩია, რომელშიც ნამდვილ პატარძალს ჰგავდა, რამაც განსაკუთრებული ელფერი შესძინა წვეულებას.
მუსიკალური საჩუქრები და კადრებში „დაკარგული“ მილიონერი
ატმოსფერო მხიარული და სადღესასწაულო იყო. ვარსკვლავი სტუმრები შორენას საკუთარი სიმღერებით ულოცავდნენ იუბილეს, რამაც წვეულება ნამდვილ კონცერტად აქცია. სოციალურ ქსელებში გავრცელებული კადრებიდან ჩანდა, რომ სტუმრები დროს არაჩვეულებრივად ატარებდნენ, მღეროდნენ, ცეკვავდნენ და იღებდნენ სამახსოვრო ფოტოებს.
აღსანიშნავია, რომ მიუხედავად იმისა, რომ წვეულების ყველა დეტალი საგულდაგულოდ იყო დაგეგმილი, გავრცელებულ კადრებში არსად ჩანდა შორენა ბეგაშვილის საყვარელი მამაკაცი, 23 წლით უფროსი მილიონერი ბიზნესმენი მამუკა ურუშაძე. მისმა არყოფნამ კითხვები გააჩინა მედიასა და საზოგადოებაში, თუმცა ამ თემაზე ოფიციალური კომენტარი არ გაკეთებულა. არ არის გამორიცხული, რომ იუბილარის თხოვნით, სტუმრებმა ის კადრები არ გამოაქვეყნეს, სადაც ურუშაძე ჩანდა.