"რა კარგი ინგლისურია, ეს მშვენიერია, სად ისწავლეთ ასე ლამაზად საუბარი?" - დონალდ ტრამპი ლიბერიის პრეზიდენტს
თეთრ სახლში რამდენიმე აფრიკული ქვეყნის ლიდერთან შეხვედრისას, აშშ-ის პრეზიდენტმა დონალდ ტრამპმა ლიბერიის პრეზიდენტი ჯოზეფ ბოაკაი ინგლისური ენის ცოდნის გამო შეაქო
- "რა კარგი ინგლისურია, ეს მშვენიერია, სად ისწავლეთ ასე ლამაზად საუბარი? სად მიიღეთ განათლება, ლიბერიაშია? ეს ძალიან საინტერესოა, მშვენიერი ინგლისურია. ამ მაგიდასთან არიან ადამიანები, რომლებიც ასე კარგად ვერ საუბრობენ", - აღნიშნა ტრამპმა.
ცნობისთვის ინგლისური ლიბერიის სახელმწიფო ენაა.
თემასთან დაკავშირებით, თეთრ სახლში განაცხადეს, რომ ეს იყო "ტრამპის მხრიდან გულწრფელი კომპლიმენტი".