ტრაგედია იმერეთში: ავარიას 33 წლის ბაიკერი ემსხვერპლა - მის საშველად გზაზე გადასულ მამაკაცს კი ავტომობილი დაეჯახა

ქუთაისი-წყალტუბოს გზაზე ავტოსაგზაო შემთხვევას 33 წლის ბაიკერი ამირო ლაღიძე ემსხვერპლა, ერთი მამაკაცი კი დაშავდა.

• თვითმხილველების ინფორმაციით, მაღალი სიჩქარით მოძრავი მოტოციკლი ამოყირავდა. მის საშველად გზაზე გადასულ მამაკაცს კი ავტომობილი დაეჯახა.

დაშავებულები კლინიკაში გადაიყვანეს. ახალგაზრდა მამაკაცი კლინიკაში შეყვანის დროს მძიმედ იყო და მისი გადარჩენა ვერ მოხერხდა. მამაკაცს კი ოპერაცია ჩაუტარდა, ის რეანიმაციულ განყოფილებაში რჩება. მომხდარზე დაწყებულია გამოძიება.