"მზად ვართ, უპირობოდ დავუჭიროთ მხარი ყველა ქმედებას, რომელსაც რუსეთი უკრაინაში ახორციელებს" - ლავროვისა და კიმ ჩენ ინის შეხვედრის დეტალები

ჩრდილოეთ კორეის ლიდერმა, კიმ ჩენ ინმა, რუსეთის საგარეო საქმეთა მინისტრ სერგეი ლავროვთან შეხვედრისას განაცხადა, რომ მისი ქვეყანა მზადაა, უპირობოდ დაუჭიროს მხარი ყველა ქმედებას, რომელსაც რუსეთი უკრაინაში ახორციელებს, - ინფორმაციას CNN-ი ჩრდილოეთ კორეულ მედიაზე დაყრდნობით ავრცელებს.

• ჩრდილოეთ კორეაში სამდღიანი ვიზიტის ფარგლებში სერგეი ლავროვი ქალაქ ვონსანში თავის ჩრდილოეთ კორეელ კოლეგას, ჩოე სონ ჰუის შეხვდა.

"გავცვალეთ მოსაზრებები უკრაინის კრიზისის ირგვლივ არსებულ ვითარებაზე. ჩვენმა კორეელმა მეგობრებმა დაადასტურეს თავიანთი მტკიცე მხარდაჭერა სპეციალური სამხედრო ოპერაციის ყველა მიზნის, ასევე, რუსეთის ხელმძღვანელობისა და შეიარაღებული ძალების ქმედებების მიმართ“, - განაცხადა ლავროვმა შეხვედრის შემდეგ გამართულ პრესკონფერენციაზე.

ცნობისთვის, სერგეი ლავროვი ჩრდილოეთ კორეაში სამდღიანი ვიზიტით პარასკევს ჩავიდა.