"ყველა ოჯახს უზრუნველვყოფთ პირველ ეტაპზე, რომ გავიყვანოთ სასტუმროში, დავაბინაოთ" - ირაკლი ბენდელიანი
დედაქალაქის მერის, კახა კალაძის მოადგილე ირაკლი ბენდელიანის განცხადებით, გამგეობას დაევალა კორპუსის მცხოვრებლებთან დღესვე განახორციელოს კომუნიკაცია, რათა პირველ ეტაპზე მათი უსაფრთხო საცხოვრებელში გადაყვანა მოხდეს, შემდგომ კი განახლდეს მოლაპარაკებები კორპუსის ჩანაცვლების პროგრამაზე.
მან დედაქალაქის მცხოვრებლებს მიმართა, კიდევ ერთხელ დაფიქრდნენ და მომავალში პასუხისმგებლობით მოეკიდონ და დათანხმდნენ "ჩანაცვლების პროგრამის“ განხორციელებას.
"მინდა, სრულიად თბილისის მოსახლეობას მივმართო, კიდევ ერთხელ დაფიქრდნენ აღნიშნულ ფაქტზე, როდესაც მუნიციპალიტეტი მიდის და მოსახლეობას ვთავაზობთ სრულიად უსასყიდლოდ, მუნიციპალური ხარჯებით გავიყვანთ დროებით საცხოვრებელში, მათივე კორპსუსის ადგილას მოხდეს ძველი ავარიული კოპრუსის დემონტაჟი და ახალი კორპსუსი მშენებლობა, კიდევ ერთხელ გაიზრონ, ჩემი თხოვნა არის ფაქტი, მომავალში უფრო მეტი პასხისმგებლობით მოეკიდონ და დაგვთანხმდნენ ამ პროგრამის განორციელებაში“, - განაცხადა თბილისის მერის მოადგილემ.
-
მისი თქმით, მერია რა თქმა უნდა, ძალაში ტოვებს შეთავაზებას.
"უკვე ადგილობრივ გამგეობას დავალება მიღებული აქვს, რომ კიდევ ერთხელ, თითოეულ ოჯახთან განახორციელოს დღესვე კომუნიკაცია. აბსოლუტურად ყველა ოჯახს უზრუნველვყოფთ პირველ ეტაპზე, რომ გავიყვანოთ სასტუმროში, დავაბინაოთ, რათა მათი უსაფრთხოება იქნეს სრულად დაცული. ისევ დავიწყებთ, განვაახლებთ მოლაპარაკებებს, რათა მცხოვრებლების 100 - პროცენტიანი თანხმობები ავიღოთ, რომ რაც შეიძლება მალე დავიწყოთ ამ კორპუსის დემონტაჟი და ახალი საცხოვრებელი სახლის მშენებლობა“, - განაცხადა შემთხვევის ადგილზე ბენდელიანმა.
ბენდელიანის თქმით, კორპუსს, სადაც ნგრევა მოხდა, მესამე კატეგორიის ავარიულობის ხარისხი აქვს და მერიას მოსახლეობასთან აქტიური კომუნიკაცია ჰქონდა.
"ნამდვილად მძიმე ფაქტი მოხდა თითოეული ჩვენთაგანისთვის. მინდა, მივუსამძიმრო პირველ რიგში გარდაცვლილის ოჯახს.
რაც შეეხება უშუალოდ კორპუსის მომართვიანობას, წელიწადზე მეტია ადგილობრივ მოსახლეობასთან კომუნიკაცია გვაქვს, როგორც ზეპირი, ასევე, წერილობითი, ამის შესაბამისი დოკუმენტაციებიც არსებობს მერიაში და მუნიციპალიტეტში. გარკვეული რაოდენობის ოჯახები დაგვთანხმდნენ და გავიყვანეთ ქირით, თუმცა დღევენადელი კანონმდებლოს გათვალისწინებით კერძო საკუთრებიდან იძულებით მოსახლის გამოყვანის უფლება არ გაქვს, თუნდაც ახალი კორპუსის ჩანაცვლების მიზნით, თუ ამაზე მოსახლეობა თანხმობას არ განაცხადებს. სწორედ ამიტომ იყო და ამ კორპუსის ავარიულობის გათვალიწინებით იყო მთელი ამ ხნის განმავლობაში კომუნიკაცია მოსახლეობასთან, თუმცა სამწუხროდ, ნაწილი არ დაგვთანხმდა ქირით გაყვანაზე და ახალი კორპუსის მშენებლობაზე“, - განაცხადა ბენდელიანმა.