ისლანდიაში ვულკანი ამოიფრქვა - ეს 2021 წლიდან ისლანდიაში ვულკანის ამოფრქვევის მე-12 შემთხვევაა (ფოტოები)

სამხრეთ-დასავლეთ ისლანდიაში ვულკანი ამოიფრქვა, - ამის შესახებ ინფორმაციას სააგენტო Reuters-ი ისლანდიის მეტეოროლოგიურ სამსახურზე დაყრდნობით ავრცელებს.

• ისლანდიის მეტეოროლოგიური სამსახურის ცნობით, ვულკანმა ამოფრქვევა დღეს ღამით რეიკიანესის ნახევარკუნძულზე ქალაქ გრინდავიკის ახლოს, სუნდჰნუკის კრატერიდან დაიწყო.

"ამ დროისთვის ინფრასტრუქტურას საფრთხე არ ემუქრება. GPS-ის სიგნალების საფუძველზე, შეიძლება ითქვას, რომ ეს შედარებით მცირე მასშტაბის ამოფრქვევა იყო“, - ნათქვამია ისლანდიის მეტეოროლოგიური სამსახურის განცხადებაში.

პოლიციის განცხადებით, ქალაქ გრინდავიკიდან და ცნობილი გეოთერმული კურორტიდან "ცისფერი ლაგუნადან“ ადამიანების ევაკუაცია განხორციელდა.

ცნობისთვის, ეს 2021 წლიდან სამხრეთ-დასავლეთ ისლანდიაში ვულკანის ამოფრქვევის მე-12 შემთხვევაა.