ტაილანდში დააკავეს ქალი, რომელიც ბუდისტ ბერებთან სექსუალურ კავშირს ამყარებდა, იღებდა ფოტოებსა და ვიდეოებს, შემდეგ კი მათი გამოყენებით ბერებს ფულს სძალავდა

ტაილანდის პოლიციამ დააკავა ქალი, რომელსაც ბერებთან სექსუალური კავშირი ჰქონდა, შემდეგ კი ამ ქმედების ამსახველ ფოტოებსა და ვიდეოებს მათგან ფულის გამოძალვის მიზნით იყენებდა.

• პოლიციის ინფორმაციით, ქალს სექსი სულ მცირე, ცხრა ბერთან ჰქონდა. ბოლო სამი წლის განმავლობაში ბერებისგან დაახლოებით 385 მილიონი ბატი (11.9 მილიონი აშშ დოლარი) მიიღო.

• გამომძიებლებმა მისი სახლის ჩხრეკისას 80 000-ზე მეტი ფოტო და ვიდეო აღმოაჩინეს, რომლებიც ის ბერების შანტაჟისთვის იყენებდა.

პოლიციის ცნობით, ქალს ერთ-ერთ ბერთან 2024 წლის მაისში ჰქონდა ურთიერთობა. მოგვიანებით კი განუცხადა, რომ მისგან შვილი ჰყავდა და შვიდ მილიონ ბატზე მეტი ალიმენტი მოითხოვა. ხელისუფლების ცნობით, გადარიცხული თანხის უმეტესი ნაწილი აზარტული თამაშებისთვის იყო გამოყენებული.

სკანდალის შემდეგ, სანგჰას უზენაესმა საბჭომ (ტაილანდში ბუდიზმის მმართველი ორგანო) განაცხადა, რომ მონასტრული წესდების გადასახედად სპეციალურ კომიტეტს შექმნის.

ხოლო იმ ბერებისთვის, რომლებიც მონასტრულ კოდექსს არღვევენ, მთავრობა ჯარიმებს და პატიმრობას დააწესებს.

წყარო