როგორ იქცა Coldplay-ის კონცერტი რომანტიკულ სკანდალად - ცნობილი კომპანიის დაქორწინებული დირექტორი გიგანტურმა ეკრანმა საყვარელთან ერთად გამოიჭირა

"ასტრონომერის“ აღმასრულებელი დირექტორი ენდი ბაირონი და HR დირექტორი კრისტინ კაბოტი რომანტიკულ სკანდალში გაეხვნენ.

"ქოლდფლეის“ კონცერტზე მოულოდნელი ამბავი მას შემდეგ მოხდა, რაც ტექნიკური კომპანიის აღმასრულებელი დირექტორი ენდი ბაირონი თავის HR დირექტორ კრისტინ კაბოტთან ერთად გიგანტურ ეკრანებზე ჩახუტებული გამოჩნდა.

კონცერტი გუშინ, ბოსტონის "ჯილეტ სტადიონზე“ გაიმართა. კამერა, რომელიც კონცერტს იღებდა, მოულოდნელად ტექნიკური კომპანიის აღმასრულებელ დირექტორ ენდი ბაირონზე და მის HR დირექტორ კრისტინ კაბოტზე გაჩერდა, რომლებიც ერთმანეთზე დაქორწინებულები არ არიან. 60 000 გულშემატკივრის თვალწინ, წყვილი სასწრაფოდ შეეცადა სახეების დამალვას: ბაირონი ბარიერებს ამოეფარა, კაბოტმა კი სახე ხელებში ჩარგო.

ამ დროს კრის მარტინმა იხუმრა: "აჰა, შეხედეთ ამ ორს... ან რომანი აქვთ, ან ძალიან მორცხვები არიან“, რამაც ხმამაღალი სიცილი გამოიწვია. მომენტის ამსახველი ვიდეო ელვის სისწრაფით გავრცელდა და ღამით მილიონობით ნახვა დააგროვა.

• ვინ არიან ყურადღების ცენტრში მოქცეული წყვილი?

ენდი ბაირონი - Astronomer-ის - 1.3 მილიარდ დოლარზე მეტად შეფასებული პროგრამული უზრუნველყოფის კომპანიის აღმასრულებელი დირექტორი დაქორწინებულია. ის ფირმას 2023 წლის შუა რიცხვებიდან ხელმძღვანელობს და მსხვილი კორპორაციებისთვის მონაცემთა ინტეგრაციის ინსტრუმენტებს ავითარებს.

კრისტინ კაბოტი, მისი სავარაუდო თანამგზავრი კონცერტზე, Astronomer-ის პერსონალის მთავარი ოფიცერია (Chief People Officer).

სოციალური მედიის მომხმარებლებმა გაარკვიეს, რომ კაბოტის LinkedIn-ის ფოტოზე საქორწინო ბეჭედს ატარებს, თუმცა მისი ოჯახური მდგომარეობა დადასტურებული არ არის. არც ერთს საჯაროდ არ გაუკეთებია კომენტარი ვირუსულ მომენტზე ან რომანის ჭორებზე.

კომპანიის სათაო ოფისი, კონცერტის ადგილიდან, რამდენიმე საათის სავალზე მდებარეობს.

• ინტერნეტი აფეთქდა კონცერტის მომხდარი სკანდალის გამო

ონლაინ რეაქციები ძირითადად ბაირონის მეუღლის მიმართ თანაგრძნობისკენ იყო მიმართული.

Coldplay-ის კონცერტები ხშირად მოიცავს აუდიტორიასთან ინტერაქციას, მაგრამ ეს პირველი შემთხვევაა, როდესაც ამას სკანდალი მოჰყვა.

Coldplay აგრძელებს რეკორდული ტურნეს, მაგრამ, სავარაუდოდ, ბოსტონის გაჩერება ყველაზე დასამახსოვრებელი აღმოჩნდება, რომელმაც ყველა სხვა კონცერტი დაჩრდილა. ბაირონი და კაბოტი კონცერტის შემდეგ საჯაროდ აღარ უნახავთ..