ჰაერის ტემპერატურამ შესაძლოა 40 გრადუსს მიაღწიოს - რას აცხადებენ გარემოს ეროვნულ სააგენტოში

გარემოს ეროვნული სააგენტოს ცნობით, 21-23 ივლისს აღმოსავლეთ საქართველოში მოსალოდნელია ჰაერის ტემპერატურის მომატება, ბარში ჰაერის ტემპერატურამ შესაძლებელია 38-40, მთაში კი 34-36 გრადუსს მიაღწიოს.

მათივე ინფორმაციით, ჰაერის მოსალოდნელი მაღალი ტემპერატურა სითბური სტრესისა და ტყის ხანძრების რისკის ხელშემწყობ პირობას წარმოადგენს.