აუტიზმის ნიშნები შესაძლოა თქვენს სიარულში აღმოაჩინოთ - რას უნდა მიაქციოთ ყურადღება?
აუტისტური სპექტრის აშლილობა (ასა) პირველად 1943 წელს აღწერა ავსტრიული წარმოშობის ამერიკელმა ბავშვთა ფსიქიატრმა ლეო კანერმა და აუტიზმი უწოდა, თუმცა ტერმინი “აუტისტური აზროვნება” მანამდეც არსებობდა – შვეიცარიელმა ფსიქიატრმა პოლ ბლეილერმა ის ისეთი აზროვნების აღსაწერად გამოიყენა, რომელიც ობიექტური რეალობის შემეცნებისკენ კი არ არის მიმართული, არამედ ინდივიდის შინაგანი სამყაროსკენ, საკუთარი მოთხოვნილებებისა და ოცნებებისკენ.
- აუტიზმი ნეიროგანვითარების დარღვევაა, რომელიც გავლენას ახდენს ადამიანის ტვინის განვითარებასა და ფუნქციონირებაზე, ქცევაზე, კომუნიკაციასა და სოციალიზაციაზე.
"უცნაური სიარული" ამჟამად ფსიქიკური აშლილობის დიაგნოსტიკურ და სტატისტიკურ სახელმძღვანელოში აუტიზმის დამხმარე დიაგნოსტიკურ მახასიათებლად არის დასახელებული.
როგორ გამოიყურება ეს?
აუტისტ ადამიანებს შორის სიარულის ყველაზე შესამჩნევი განსხვავებებია:
- ფეხის წვერებზე სიარული
- ტერფების შიგნით შებრუნება
- ზედმეტად ნელა სიარული
- ფართო ნაბიჯების გადადგმა
ეს ძირითადად განპირობებულია ტვინის განვითარების განსხვავებებით, კერძოდ, იმ ადგილების, რომლებიც ცნობილია როგორც ბაზალური განგლიები და ნათხემი. ბაზალური განგლიები ძირითადად პასუხისმგებელია მოძრაობების თანმიმდევრობაზე, მათ შორის პოზის შეცვლის დროსაც.
ტვინზე დაფუძნებული განსხვავებების გარდა, აუტისტური სიარული ასევე დაკავშირებულია ისეთ ფაქტორებთან, როგორიცაა ადამიანის უფრო ფართო მოტორული, ენობრივი და კოგნიტური შესაძლებლობები.
როგორ ხდება მისი მართვა?
იმის გათვალისწინებით, რომ ბავშვები დროის დიდ ნაწილს სკოლაში ატარებენ, პროგრამები, რომლებიც დღის განმავლობაში მოძრაობის შესაძლებლობებს აერთიანებს, აუტისტი ბავშვების მოტორული უნარების განვითარების საშუალებას იძლევა.
წაიკითხეთ ასევე: