ლოს-ანჯელესის აეროპორტიდან აფრენის შემდეგ, თვითმფრინავის ძრავს ცეცხლი გაუჩნდა - ბორტზე 226 მგზავრი იმყოფებოდა
Delta Air Lines-ის თვითმფრინავის ძრავს ლოს-ანჯელესის საერთაშორისო აეროპორტიდან აფრენის შემდეგ ცეცხლი გაუჩნდა.
- ავიაკომპანიის ცნობით, Boeing 767, რომელზეც 226 მგზავრი და ეკიპაჟის 9 წევრი იმყოფებოდა, პარასკევს ატლანტაში მიფრინავდა. აფრენიდან მალევე მარცხენა ძრავის გაუმართაობის შედეგად, ცეცხლი გაჩნდა.
- მფრინავები იძულებულები გახდნენ, თვითმფრინავი ისევ ლოს-ანჯელესის აეროპორტში დაებრუნებინათ.
დაშავებულების შესახებ ინფორმაცია ჯერჯერობით არ ვრცელდება. ინციდენტთან დაკავშირებით მიმდინარეობს გამოძიება.
