"ან ესენი გავლენ, ან აქედან გადავხტები" - რა ხდება თვალჭრელიძის ქუჩაზე, სადაც კორპუსიდან მოსახლეობის გამოსახლება მიმდინარეობს

თბილისში, თვალჭრელიძის ქუჩაზე საცხოვრებელი კორპუსიდან მოსახლეობის გამოსახლება მიმდინარეობს - ადგილზე მობილიზებულები არიან პოლიციის და აღსრულების ეროვნული ბიუროს წარმომადგენლები.

• საპატრულო პოლიციის წარმომადგენლების გამოჩენას, მოსახლეობის პროტესტი მოჰყვა, ადგილზე ხმაური რამდენჯერმე იყო. ერთ-ერთი პირი კორპუსის სახურავზეა ასული და ამბობს, რომ თუ გამოსახლება არ გაჩერდება, ის საცხოვრებელი კორპუსის სახურავიდან გადმოხტება.

"ან ესენი გავლენ, ან მე ჩავალ აქედან. აქედან გადავხტები”,- აღნიშნავს მაცხოვრებელი.

საცხოვრებელ კორპუსში, 150- მდე ოჯახი ცხოვრობს.

როგორც ადგილობრივები აღნიშნავენ, საცხოვრებელი კორპუსი კერძო მესაკუთრისაა, რომელიც, მათი ინფორმაციით, ამბობს, რომ შენობა ავარიულია და ის უნდა დაიცალოს.

მცხოვრებლების თქმითვე, 400-მდე ოჯახს ალტერნატიულ ფართს არ სთავაზობენ. მათივე განცხადებით, ისინი სახელმწიფო სტრუქტურის წარმომადგენლებთან შეხვედრას არაერთხელ ითხოვდნენ, თუმცა მათთან არავინ მისულა.

წაიკითხეთ ასევე:

• "არსებული შენობა-ნაგებობები იქ მცხოვრები ადამიანების სიცოცხლისთვის საშიშია" - აღსრულების ბიურო თვალჭრელიძის ქუჩაზე მიმდინარე გამოსახლებაზე