"გაერთიანებული სამეფო მხარს უჭერს პალესტინის სახელმწიფოს აღიარებას" - კირ სტარმერი
გაერთიანებული სამეფოს პრემიერ-მინისტრის, კირ სტარმერის განცხადებით, ბრიტანეთის მთავრობა პალესტინის სახელმწიფოს მხოლოდ მოლაპარაკებებით მიღწეული სამშვიდობო შეთანხმების ფარგლებში აღიარებს, - ინფორმაციას Reuters-ი ავრცელებს.
- ბრიტანეთის პრემიერის თქმით, ის ფოკუსირებულია "პრაქტიკულ გადაწყვეტილებებზე", რომლებიც, მისი აზრით, რეალურ ცვლილებას შეიტანს ომის დასრულების საქმეში.
"პალესტინის სახელმწიფოს აღიარება ერთ-ერთი ასეთი ნაბიჯი უნდა იყოს. ამაში ცალსახა ვარ, მაგრამ ეს უფრო ფართო გეგმის ნაწილი უნდა იყოს, რომელიც, საბოლოოდ, კონფლიქტის ორი სახელმწიფოს პრინციპით გადაწყვეტით და პალესტინელებისა და ისრაელებისთვის მდგრადი უსაფრთხოებით დასრულდება“, - აღნიშნა სტარმერმა.
გამოცემა წერს, რომ სტარმერის ამ განცხადებამ იმედგაცრუება გამოიწვია მისი „ლეიბორისტული პარტიის“ ბევრ წევრში, რომლებიც ცდილობენ, რომ პრემიერმა, საფრანგეთის მსგავსად, უფრო სწრაფი ქმედებები განახორციელოს. გუშინ, ბრიტანეთის პარლამენტის 220-ზე მეტმა წევრმა - თემთა პალატის კანონმდებლების დაახლოებით მესამედმა და ძირითადად ლეიბორისტულმა პარტიამ - კირ სტარმერს წერილი მისწერა და პალესტინის სახელმწიფოს აღიარებისკენ მოუწოდა.
შეგახსენებთ, საფრანგეთის პრეზიდენტმა, ემანუელ მაკრონმა ორი დღის წინ განაცხადა, რომ პალესტინის სახელმწიფოს დამოუკიდებლობის აღიარების გადაწყვეტილება მიიღო.
წაიკითხეთ ასევე: