"რუსეთი ბელარუსის უსაფრთხოების გარანტია" - ლუკაშენკო

რუსეთი ბელარუსის უსაფრთხოების გარანტია, - ამის შესახებ ბელარუსის პრეზიდენტმა, ალექსანდრე ლუკაშენკომ განაცხადა.

• „2020 წელს მტკიცედ რომ არ დავმდგარიყავით, ვიცით, რაც მოხდებოდა. ამ რთულ დროს რუსეთი რომ არ დაგვხმარებოდა, ძნელი წარმოსადგენია, რა იქნებოდა დღეს. ალბათ, უკვე ნატო-სთან პირისპირ ვიქნებოდით“, - განაცხადა ალექსანდრე ლუკაშენკომ.

ასევე, მისი თქმით, დონალდ ტრამპის აშშ-ის პრეზიდენტის თანამდებობაზე დაბრუნებით ვაშინგტონსა და მინსკს შორის ურთიერთობების გაუმჯობესების შესაძლებლობა გაჩნდა.

„თქვენ იცით ტრამპის პრინციპი: „ამერიკა უპირველეს ყოვლისა“. შესაძლოა, ეს უკეთესია, ვიდრე „ლიბერალური მსოფლიო წესრიგი“, რომელიც ბაიდენის დროს იყოს. ამერიკელებთან ბოლო შეხვედრებმა აჩვენა, რომ ისინი მოსმენისთვის მზად არიან. ტრამპის დაბრუნებამ ურთიერთობების გაუმჯობესების შესაძლებლობა შექმნა“, - აღნიშნა ბელარუსის პრეზიდენტმა.