ძლიერი წვიმა და წყალდიდობა ნიუ-იორკში - მანქანები წყლით დაიფარა, მეტროს მუშაობა შეფერხდა, გადაიდო ავიარეისები (ფოტოები)

ნიუ-იორკში ძლიერმა წვიმამ წყალდიდობა გამოიწვია. ქალაქში საგანგებო სიტუაციაა გამოცხადებული.

წვიმას კიდევ უფრო ამძიმებდა ის ფაქტი, რომ მანჰეტენის მეტროს სადგურზე ელექტროენერგიის გათიშვამ რამდენიმე მატარებლის მოძრაობის შეფერხება გამოიწვია.

LIRR-ის მატარებელი ქუინსში, ბეისაიდის სადგურთან ახლოს, ლიანდაგზე რამდენიმე საათის განმავლობაში გაიჭედა. მაშველები იძულებულები გახდნენ მგზავრების დასახმარებლად კიბეები გამოეყენებინათ.

"თავიდან შემეშინდა. ლიანდაგზე გაჩერებიდან დაახლოებით 15 წუთის შემდეგ შუქი ჩაქრა. სწორედ მაშინ გავიფიქრე: "ვაიმე, რაღაც ხდება!““, - იხსენებს ჯესიკა გრანტი, სტოუნი ბრუკის მცხოვრები.

ოფიციალური პირების თქმით, წყალდიდობის გამო ასევე დაიხურა ლონგ-აილენდის ჩქაროსნული გზატკეცილი, ასევე ქროს-აილენდის და სტეიტენ-აილენდის გზატკეცილი.

კოკისპირული წვიმების გამო,ნიუ-იორკის სამ მთავარ აეროპორტში ყველა რეისი რამდენიმე საათით გადაიდო.

წყარო