შოკისმომგვრელი რეკორდი და სახიფათო მოვლენა - მეცნიერებმა დაადგინეს, რომ ყველაზე დიდი ელვის სიგრძე 830 კმ იყო და მან აშშ-ის სამი შტატი დაფარა

მსოფლიო მეტეოროლოგიურმა ორგანიზაციამ (WMO), რომელიც გაეროს ნაწილია, ოფიციალურად დაადასტურა, რომ ისტორიაში ყველაზე გრძელი ელვის შესახებ. ეს წელს ისტორიაში ყველაზე გრძელი ელვა იყო, როდესაც თითქმის 830 კილომეტრის სიგრძის ელვამ ამერიკის შეერთებული შტატების სამი შტატი გადაკვეთა.

როგორც NBC News იტყობინება, 2017 წლის 22 ოქტომბერს დაფიქსირებული "მეგაფლეში" აღმოსავლეთ ტეხასიდან კანზას-სიტის მიმართულებით გადაიჭიმა. შედარებისთვის, ჩვეულებრივი ელვის სიგრძე იშვიათად აღემატება 16 კილომეტრს.

• რა არის ე.წ. მეგაფლეში?

"მეგაფლეში" არის გიგანტური ელვა, რომელიც წარმოქმნის ადგილიდან უზარმაზარ მანძილზე ვრცელდება. არიზონას შტატის უნივერსიტეტის პროფესორის, რენდალ სერვენის განმარტებით, მსგავსი მოვლენების დაფიქსირება მხოლოდ ბოლო 10 წლის განმავლობაში გახდა შესაძლებელი ახალი ტექნოლოგიების წყალობით.

ასეთი ელვა იშვიათია და ძირითადად ისეთ რეგიონებში შეინიშნება, რომლებსაც ძლიერი ქარიშხლები ახასიათებთ.

WMO-ს გენერალური მდივნის, სელესტე საულოს თქმით, ამ მასშტაბის ელვა სერიოზულ საფრთხეს წარმოადგენს, განსაკუთრებით ავიაციისთვის და ტყის ხანძრების გაჩენის თვალსაზრისით.

ექსპერტები ასევე ხაზს უსვამენ ელვის ზოგად საშიშროებას: მხოლოდ აშშ-ში ყოველწლიურად დაახლოებით 20 ადამიანი იღუპება მეხის დარტყმის შედეგად, ასობით კი ზიანდება. მსგავს მოვლენებზე დაკვირვება უმნიშვნელოვანესია უსაფრთხოების გაზრდისა და ქარიშხლების ბუნების უკეთ გასაგებად.