"შემოწმება დავიწყე: იდაყვის მოხრილი მხარე, ბარძაყის ზედა ნაწილი... თმა გვერდზე გადავუწიე“ - რას იხსენებს გამომძიებელი, რომელმაც გარდაცვლილი მერლინ მონრო პირველმა ნახა
თომას ნოგუჩი 1962 წლის აგვისტოში, ლოს-ანჯელესის ოლქში მომუშავე გამომძიებელი იყო, როდესაც ცნობილი მსახიობის, მერილინ მონროს გარდაცვალების მიზეზის დადგენა დაავალეს.
„თეთრკანიანი ქალი. ცისფერთვალება. 168 სმ სიმაღლის, წონა - 55 კგ. საწოლის გვერდით მაგიდაზე მიმოფანტული აბების მრავალი ბოთლი იპოვეს, მათ შორის საძილე აბების - ცარიელი ბოთლი და ქლორალ ჰიდრატის, ძლიერი სედატიური საშუალების, ნახევრად ცარიელი ბოთლი" - ვკითხულობთ გამომძიებლის ანგარიშში.
ანგარიშის „დამატებითი ინფორმაციის“ განყოფილებაში ნოგუჩიმ შეიტყო, რომ მონროს მედიკამენტის რეცეპტი ორი დღით ადრე მისცეს, ფსიქიატრთან კი სიკვდილამდე სულ რაღაც ერთი დღით ადრე ისაუბრა.
"შემოწმება დავიწყე: იდაყვის მოხრილი მხარე, ბარძაყის ზედა ნაწილი, ხელისა და ფეხის თითების ქსოვილის ნაწილი... თმა გვერდზე გადავუწიე, რომ თავის კანი შემემოწმებინა. არაფერი. მისი კუჭისა და წვრილი ნაწლავის გამოკვლევისას, აბების ვიზუალური კვალი არ აღმოჩნდა. ეს გასაკვირი იყო."
ნოგუჩი დარწმუნებული იყო, რომ ვარსკვლავის გარდაცვალების მიზეზი უკვე იცოდა. „ეს ძალიან მარტივი იყო. ის საძილე აბების დოზის გადაჭარბებით გარდაიცვალა“.
მთავარმა ტოქსიკოლოგმა, რეიმონდ აბერნათიმ, მერილინის ორგანიზმში პენტობარბიტალისა და ქლორალის ჰიდრატის ფატალური დონის აღმოჩენის შემდეგ, გადაწყვიტა, რომ კუჭსა და სხვა ორგანოებზე დამატებითი ტესტების ჩატარება აზრი არ ჰქონდა.
ამასობაში, ჭორები გავრცელდა. მერლინი ცენტრალურმა სადაზვერვო სააგენტომ მოკლა...
თეორიების ჩასახშობად, მთავარმა გამომძიებელმა თეოდორ კურფიმ პრესკონფერენცია მოიწვია და მომლოდინე სამყაროს თავისი განაჩენი გამოუცხადა: მერილინ მონრო სუიციდით გარდაიცვალა. მისი თქმით, ის გარკვეული პერიოდის განმავლობაში „ფსიქიატრიულ აშლილობას განიცდიდა“, მათ შორის „ძლიერ შიშებს და ხშირ დეპრესიას".
ნოგუჩის სურდა სიტუაციის გამოსწორება კუჭის შიგთავსისა და ორგანოების შემოწმებით, მაგრამ ტოქსიკოლოგმა ისინი კორონერის დასკვნის გამოქვეყნების შემდეგ გაანადგურა.
„სრული ანალიზის გარეშე შეუძლებელი იყო იმის გამორიცხვა, რომ მონრო აბების გადაყლაპვის ნაცვლად ინიექციით გარდაიცვალა".
მას არ შეეძლო თავიდანვე აერიდებინა შფოთვის გრძნობა. არსებობდა თუ არა შანსი, რომ ქალი მოკლეს? ნუთუ, ის პაიკი იყო შენიღბვის საქმეში? ნოგუჩის როლი მწერალმა ჯეიმს პატერსონმაც კი ეჭვქვეშ დააყენა და თავის მომავალ წიგნში „მერილინ მონროს უკანასკნელი დღეები“ დაწერა: „გაკვეთაში... რაღაც უცნაურია, როდესაც უფრო გამოცდილი მთავარი ექსპერტის ნაცვლად... ინიშნება უმცროსი სამედიცინო ექსპერტი“.