ყინულის დნობის შემდეგ, პაკისტანის მთებში 28 წლის წინ გაუჩინარებული მამაკაცის ცხედარი იპოვეს - "წლების წინ ის ამ ადგილებში ძმასთან ერთად გადაადგილდებოდა, რა დროსაც..."
პაკისტანის შორეულ კოჰისტანის რეგიონში, მდნარ მყინვარში იპოვეს კაცის ცხედარი, რომელიც 28 წლის წინ გაუჩინარდა.
- ცხედარი, რომელიც მწყემსმა შემთხვევით იპოვა, ფაქტობრივად, დაუზიანებელი იყო, დაუზიანებელი იყო სამოსიც.
ცხედართან ერთად იპოვეს ნასირუდინის სახელზე გაცემული პირადობის დამადასტურებელი მოწმობა.
ეს ადამიანი1997 წლის ივნისში ქარბუქის დროს მყინვარში ჩავარდა და მას შემდეგ დაკარგულად ითვლებოდა. ნასირუდდინს ცოლი და ორი შვილი დარჩა. გაუჩინარების დღეს ის ძმასთან ერთად, ცხენით მოგზაურობდა.
- ბოლო წლების განმავლობაში ამ რეგიონში თოვლის რაოდენობა შემცირდა, რის გამოც მყინვარები მზის პირდაპირი სხივების ზემოქმედებას გაცილებით აქტიურად განიცდიან და უფრო სწრაფად ლღვებიან . ექსპერტების თქმით, ცხედრის აღმოჩენა ცხადყოფს, თუ როგორ ააჩქარა კლიმატის ცვლილებამ მყინვარების დნობა.
როგორც ისლამაბადში მდებარე კომსატსის უნივერსიტეტის გარემოს დაცვის დეპარტამენტის ხელმძღვანელი, პროფესორი მუჰამად ბილალი ამბობს, როდესაც ადამიანის სხეული მყინვარში ვარდება, ძლიერი სიცივე მ-ს სწრაფად გაყინავს უწყობს ხელს და ამგვარ პირობებში - ტენიანობისა და ჟანგბადის ნაკლებობის გამო - სხეული პრაქტიკულად მუმიფიცირდება.