ბეზოსის იდუმალი "წინა ცხოვრება", ყოფილი ცოლი, რომელიც ახლა განმარტოებით ცხოვრობს და საზოგადოებისგან დამალული შვილები - რა იყო მილიარდერობამდე?
მილიარდერი ჯეფ ბეზოსის და ტელეწამყვან ლორენ სანჩესის ქორწილი გასულ თვეს წლის მთავარი მოვლენა იყო, რომელსაც მთელი მსოფლიო განიხილავდა. სანამ მსოფლიოს ერთ-ერთი უმდიდრესი ადამიანი თავის ახალ რჩეულს კოსმოსში აგზავნის და ქორწილისთვის მთელ ვენეციას ქირაობდა, მისი ყოფილი ცოლი, რომელთან ერთადაც ავტოსალონში მუშაობდა და მოგვიანებით მილიარდერი გახდა, განმარტოებით, საზოგადოებისგან შორს ცხოვრობს.
ერთად მიაღწიეს წარმატებას
მათი რომანი 1992 წელს დაიწყო, როდესაც ორივე D. E. Shaw & Co-ის საინვესტიციო კომპანიაში მუშაობდა. ისინი ექვსი თვის განმავლობაში ხვდებოდნენ ერთმანეთს და შემდეგ დაქორწინდნენ. მალე ბეზოსმა გადაწყვიტა უოლ-სტრიტზე სამსახურისთვის თავი დაენებებინა და სრულიად განსხვავებული ცხოვრება დაეწყო. მას სურდა საკუთარი ონლაინ მაღაზია გაეხსნა და თავისი იდეა საყვარელ ცოლს გაუზიარა. მაკკენზიმ დაუფიქრებლად დაუჭირა მხარი, თუმცა რა იყო ინტერნეტი და რისთვის გამოიყენებოდა, ეს უკვე შემდეგ იკითხა. მას ბოლომდე არ ესმოდა, რის შექმნას აპირებდა მისი ქმარი, მაგრამ მათ ურთიერთობაში ყოველთვის იყო ნდობა, ამიტომაც უბრალოდ გაჰყვა მას და მისი ოცნება გაიზიარა.
1995 წელს ბეზოსები სიეტლში გაემგზავრნენ ახალი ცხოვრების დასაწყებად. მაკი არა მხოლოდ აკვირდებოდა ქმრის საქმიანობას, არამედ აქტიურად იყო ჩართული მის სტარტაპში. მან ახლად შექმნილ კომპანიაში გარკვეული მოვალეობები აიღო საკუთარ თავზე, ითავსებდა ლოჯისტიკის და ფინანსების მართვის ფუნქციებს, ასევე მონაწილეობდა თანამშრომლების შერჩევაში. კომპანიის დაწყებაში მან გადამწყვეტი როლი ითამაშა. თავად მილიარდერმა მოგვიანებით განაცხადა, რომ ცოლის მხარდაჭერის გარეშე წარმატებას ვერ მიაღწევდა, რადგან ის მის გვერდით იყო მაშინ, როცა მან სამსახური ინტერნეტში მუშაობის გამო დატოვა, რომლის შესახებ იმ დროს არავინ არაფერი იცოდა.
ოჯახური ბედნიერება
წყვილს ოთხი შვილი შეეძინა, მაგრამ მათ შესახებ ინფორმაციას ცნობისმოყვარე თვალისგან მაქსიმალურად მალავდნენ. ცნობილია, რომ პირველად მშობლები 2000 წელს გახდნენ - მათ ვაჟი, პრესტონი შეეძინათ. შემდეგ კიდევ ორი ვაჟი ეყოლათ, მოგვიანებით კი ჩინელი გოგონა იშვილეს.
ჟურნალისტებმა უფროსი სამი შვილის სახელისა და ასაკის შესახებ ინფორმაციის მოძიება ჯერჯერობით ვერ შეძლეს, რადგან მშობლები მათ საზოგადოებას საგულდაგულოდ უმალავენ. ერთადერთი შემთხვევა, როდესაც მთელი ოჯახი საჯაროდ ერთად გამოჩნდა, 2016 წელს სან-დიეგოს კომიქსების ფესტივალი იყო. მაშინ ისინი წითელ ხალიჩაზე პოზირებდნენ ფილმის „ვარსკვლავური გზა: უსასრულობა“ პრემიერაზე.
განქორწინება
მაკკენზი და ჯეფი მეოთხედი საუკუნის განმავლობაში იყვნენ კანონიერ ქორწინებაში. 2019 წლის დასაწყისში მთელ მსოფლიოში გავრცელდა ამბავი, რომ ერთ-ერთი ყველაზე მტკიცე ვარსკვლავური წყვილი ერთმანეთს შორდებოდა. მათ განცხადება გამოაქვეყნეს, სადაც ნათქვამი იყო, რომ საზოგადოებას მათი ცხოვრების შესახებ ეცოდინებოდა. განქორწინებამდე ისინი ცალ-ცალკე ცხოვრებას ცდიდნენ, საბოლოოდ კი გადაწყვიტეს, რომ მეგობრებად დარჩენილიყვნენ.
განშორების მიზეზები ყოფილ მეუღლეებს საჯაროდ არ განუცხადებიათ. მაგრამ მედიამ დაადგინა, რომ ასეთი მტკიცე ქორწინება თავისით არ დანგრეულა, არამედ სხვა ქალის გამო. ჟურნალისტები ამტკიცებდნენ, რომ ბეზოსი რვა თვის განმავლობაში ტელეწამყვან ლორენ სანჩესს ხვდებოდა, რომელზეც მოგვიანებით დაქორწინდა. ცოტა ხნის შემდეგ, ამ ვერსიის დასადასტურებლად, ინტერნეტში ბეზოსისა და სანჩესის მიმოწერა გამოჩნდა, რამაც დაადასტურა, რომ ღალატს ნამდვილად ჰქონდა ადგილი.
მიუხედავად იმისა, თუ როგორი იმედგაცრუებული იყო მაკკენზი, მას განქორწინებისგან სპექტაკლი არ მოუწყვია, თუმცა ეს საკითხი დიდი ხნის განმავლობაში ნომერ პირველი თემა იყო. ასეთი ღალატისა და მათი განქორწინების საჯარო განხილვის შემდეგაც კი, მაკკენზიმ ემოციები შეინარჩუნა.
მათ მშვიდად და სწრაფად მიაღწიეს შეთანხმებას ქონების გაყოფის თაობაზე და ოფიციალურად განქორწინდნენ. მაკკენზიმ სკოტის გვარი აიღო, რათა ყოფილ მეუღლესთან აღარ ასოცირებულიყო.
როგორ ცხოვრობს მაკკენზი სკოტი განქორწინების შემდეგ
ჯეფმა ყოფილ მეუღლეს Amazon-ის აქციების 4% დაუტოვა. 2019 წელს მათი ღირებულება 38 მილიარდ დოლარზე მეტი იყო. ერთი წლის შემდეგ, პანდემიის წყალობით, რამაც ტექნოლოგიური კომპანიების აქციების ბუმი გამოიწვია, მაკკენზის ქონება 68 მილიარდ დოლარამდე გაიზარდა.
მაგრამ ქალი მსოფლიოს უმდიდრესი ქალის ტიტულის ტარებას არ აპირებდა. განქორწინების შემდეგ მან განაცხადა, რომ ფულის დარიგება სურდა. ჯერ სკოტი შეუერთდა ინიციატივას The Giving Pledge, რომლის მიხედვითაც ძალიან შეძლებულმა ადამიანებმა ან სიცოცხლის განმავლობაში, ან ანდერძის საფუძველზე თავიანთი ქონების უმეტესი ნაწილი ქველმოქმედებას უნდა გადასცენ.
მოგვიანებით მან ბლოგზე დაწერა, რომ ფულის დარიგება იმიტომ გადაწყვიტა, რომ იმ სისტემების წყალობით მოიპოვა, რომლებიც უნდა შეიცვალოს. ის და მისი გუნდი დარწმუნებულნი არიან, რომ უზარმაზარი ფული ადამიანთა მცირე ჯგუფის ხელში არ უნდა იყოს კონცენტრირებული.
და მან პირობა შეასრულა. მაკკენზიმ ბოლო რამდენიმე წლის განმავლობაში 19 მილიარდი დოლარი უკვე გადასცა ქველმოქმედებისთვის ორ ათას სხვადასხვა ორგანიზაციას. მაგალითად, 84,5 მილიონი აშშ-ის გოგონა სკაუტების ორგანიზაციამ მიიღო, ხოლო 275 მილიონი აშშ-ის ოჯახის დაგეგმვის ფედერაციამ.
მაკკენზი ნამდვილი ფილანთროპია, თუმცა ის ზედმეტად ყურადღების ცენტრში ყოფნას არ ცდილობს და განმარტოებით ცხოვრობს. ის არ ესწრება ღონისძიებებს, თითქმის შეუძლებელია მისი ინტერვიუზე დაყოლიება და მისი ახალი ფოტოების პოვნაც თითქმის არარეალურია.
2021 წელს მაკი მეორედ გათხოვდა. მისი რჩეული სიეტლელი მასწავლებელი დენ ჯუიტი გახდა. მან მხარი დაუჭირა ცოლის ინიციატივას და ქველმოქმედებაში ფულის გაცემაში მას შეუერთდა. მაგრამ მათი ქორწინება ხანმოკლე აღმოჩნდა — მომდევნო წელს ისინი განქორწინდნენ.
უცნობია, რა გახდა განშორების მიზეზი, მაგრამ ქორწინების შეწყვეტის პროცესი სკანდალების გარეშე წარიმართა. ჰყავს თუ არა ახლა მაკკენზის ვინმე ცხოვრებაში, ესეც უცნობია.
წაიკითხეთ ასევე: