ავარია ხულოში: სატვირთო, რომლითაც ცოლ-ქმარი გადაადგილდებოდნენ, გადაყირავდა - ქალი ადგილზე დაიღუპა
ხულოს მუნიციპალიტეტის მთა ზორტიყელთან ავტოსაგზაო შემთხვევის შედეგად შუა ხნის ქალი დაიღუპა, ხოლო ერთი ადამიანი მძიმედ დაშავდა.
- ადგილობრივების ინფორმაციით, მამაკაცი კლინიკაში არის გადაყვანილი. მათი თქმით, სატვირთო ავტომობილით ცოლ-ქმარი გადაადგილდებოდნენ. ავტოსაგზაო შემთხვევისას ავტომობილი გზის სავალი ნაწილიდან გადავიდა და გადაყირავდა.
როგორც შინაგან საქმეთა სამინისტროში AMBEBI.GE-ს განუცხადეს, ფაქტზე გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს.