კახა კალაძის პირველი კონკურენტი ცნობილია  - პრორუსულმა პარტიამ "კონსერვატორები საქართველოსთვის“ თბილისის მერობის კანდიდატად ზურა მახარაძე დაასახელა

კახა კალაძის პირველი კონკურენტი ცნობილია - პრორუსულმა პარტიამ "კონსერვატორები საქართველოსთვის“, რომელსაც "ალტ-ინფოდაც“ მოიხსენიებენ, თბილისში მერობის კანდიდატად ზურაბ მახარაძე წარადგინა.

"ჩვენ გვინდა "ნაცების“ და "ქოცების“ ვითომ კონფლიქტის მაგივრად რეალურ პრობლემებზე ვკონცენტრირდეთ. შევცვალოთ ქართული პოლიტიკური რეალობა“, - ამბობს ზურა მახარაძე პარტიის "ფეისბუქგვერდზე"გავრცელებულ მიმართვაში.

შეგვახსენებთ, თვითმმართველობის არჩევნებში მონაწილეობის სურვილი 17-მა პარტიამ გამოთქვა.

ამ არჩევნებში მონაწილეობაზე უარს ამბობენ: "კოალიცია ცვლილებისთვის“, "ერთიანობა - ნაციონალური მოძრაობა“, "ფედერალისტები“ და ა.შ.