რუსებმა უკრაინის მიმართულებით „ისკანდერ-ემ“ ტიპის 4 ბალისტიკური რაკეტა და 140 დრონი გაუშვეს, უკრაინელებმა მტრის 88 დრონი გაანეიტრალეს, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.
თავდასხმის შედეგად ხარკოვში 5 ადამიანი, მათ შორის ორი ბავშვი, დაიღუპა და 20 - დაშავდა. 6 ადამიანი დაშავდა ზაპოროჟიეში, მათგან ორის მდგომარეობა მძიმეა. კიევის ოლქში, დრონით თავდასხმის შედეგად, ანგარი დაზიანდა, დაშავებულების შესახებ ინფორმაცია არ გავრცელებულა.