Reuters: შესაძლოა პუტინისა და ზელენსკის შეხვედრა უნგრეთში გაიმართოს

Reuters-ის ცნობით, ვაშინგტონში გამართული მოლაპარაკებების შემდეგ, როგორც დონალდ ტრამპმა, ისე ვოლოდიმირ ზელენსკიმ გამოხატეს იმედი, რომ ორშაბათის შეხვედრა საბოლოოდ მიგვიყვანს ვლადიმირ პუტინთან სამმხრივ მოლაპარაკებებამდე.

ტრამპმა ორშაბათ საღამოს სოციალურ ქსელში დაწერა, რომ დაუკავშირდა რუსეთის ლიდერს და დაიწყო პუტინსა და ზელენსკის შორის შეხვედრის ორგანიზება, რასაც სამი პრეზიდენტის სამიტი უნდა მოჰყვეს.

Reuters-ის ევროპული დელეგაციის წყაროს თანახმად, ტრამპმა ევროპელ ლიდერებს განუცხადა, რომ სწორედ პუტინმა შესთავაზა მოვლენების ასეთი თანმიმდევრობა.

კრემლს ჯერჯერობით საჯაროდ არ დაუდასტურებია ზელენსკისთან შეხვედრაზე თანხმობა, თუმცა აშშ-ის ადმინისტრაციის მაღალი თანამდებობის პირი Reuters-თან ამბობს, რომ პუტინისა და ზელენსკის შეხვედრის გამართვა შესაძლოა უნგრეთში იგეგმებოდეს.

გერმანიის კანცლერმა ფრიდრიხ მერცმა კი აღნიშნა, რომ შეხვედრა უახლოეს ორ კვირაში შეიძლება შედგეს.