სარეცხი მანქანის შეკეთება საუკეთესო ფასად - რა უნდა იცოდე, სანამ ხელოსანს გამოიძახებ
თითქმის წარმოუდგენელია, რომ დღევანდელ რეალობაში იპოვოთ სარეცხი მანქანის გარეშე ნებისმიერი სახლი, დასასვენებელი სივრცე ან სხვა ტიპის დაწესებულება, სადაც ადამიანები ცხოვრობენ, ისვენებენ ან საქმიანობენ. სარეცხი მანქანა აუცილებელ და მნიშვნელოვან მსხვილ ტექნიკად ითვლება ნებისმიერი ტიპის სახლის მოწყობისას. ეს არის საუკეთესო გადაწყვეტილება, რომელიც გიზოგავთ დროს, ენერგიას, ფინანსურ რესურსებს და საშუალებას გაძლევთ მაქსიმალურად მცირე დროში თქვენთვის საყვარელი ტანსაცმელი მარტივად გაასუფთაოთ, გარეცხოთ და გააშროთ კიდეც.
ბაზარზე არაერთი განსხვავებული ბრენდის, წარმოების და ფუნქციურად დატვირთული სარეცხი მანქანა არსებობს. მომხმარებელზეა დამოკიდებული თუ როგორი ტიპის სარეცხი მანქანას შეარჩევს. გარდა, სტანდარტული ფუნქციებისა და რეცხვის რეჟიმებისა, სარეცხი მანქანას კიდევ დამატებითი ფუნქციებიც გააჩნია, ეს რა თქმა უნდა, სხვადასხვა ტიპის მოდელზე განსხვავებულია. უმეტესად, გავრცელებულია ისეთი ფუნქციები, როგორიცაა: რეცხვის გადავადება, ინტენსიური რეცხვის რეჟიმი, ორთქლით რეცხვა, კარის ავტომატური გაღება და სხვა. სარეცხი მანქანის სრული დატვირთვის შემთხვევაშიც კი მისი ვარგისიანობის ვადა ხანგრძლივია. თუმცა, ნუ დაგავიწყდებათ, თუ სარეცხი მანქანა, გამოიყენება ინტენსიურად, მოიხმართ მას ყოველდღიურად ან დღეში რამდენჯერმე საჭიროა, მისი 5 ან 8 წელიწადში შეცვლა.
მიუხედავად ყველაფრისა, სარეცხი მანქანა შეიძლება სრულად მოულოდნელად მწყობრიდან გამოვიდეს და საჭირო გახდეს მისი შეკეთება. ამ სტატიაში გაგიზიარებთ ყველა იმ საჭირო რჩევას, რაც სარეცხი მანქანის შეკეთების პროცესში დაგეხმარებათ, გაგიმარტივებთ ერთ შეხედვით რთულ პროცესს და საშუალებას მოგცემთ შეარჩიოთ სარეცხი მანქანის ხელოსანი მარტივად და მაქსიმალურად ბიუჯეტურ ფასად.
როგორ უნდა მოვიქცეთ თუ სარეცხი მანქანა არ ირთვება ?
მაშინ, როცა სარეცხი მოათავსეთ მანქანის ბარაბანში, ჩაასხით სარეცხი სითხე და დააყენეთ რეცხვის სასურველ რეჟიმზე შეიძლება, სარეცხი მანქანა მოულოდნელად მწყობრიდან გამოვიდეს და არ ჩაირთოს. ამ დროს, არ უნდა შეშინდეთ და მუდმივად გახსოვდეთ:
- პირველ რიგში, უნდა შეამოწმოთ დენის წყარო. დარწმუნდით, რომ თქვენი სარეცხი მანქანა სწორად არის შეერთებული და დენის წყარო მუშაობს. თუ პრობლემა ამაში არ არის, შეამოწმეთ ავტომატური ამომრთველები და მცველები, რადგან შესაძლოა, მიზეზი გათიშული ამომრთველი ან გაფუჭებული მცველი იყოს.
- კარის საკეტი - თანამედროვე სარეცხ მანქანებს აქვთ უსაფრთხოების ფუნქცია, რომელიც ხელს უშლის მათ ჩართვას, თუ კარი სათანადოდ არ არის დახურული. დარწმუნდით, რომ კარი საიმედოდ არის ჩაკეტილი.
- წყალმომარაგება - შეამოწმეთ, მწყობრშია თუ არა წყალმომარაგების შემშვები მილები. საკმარისი წყალმომარაგების გარეშე, სარეცხი მანქანა არ ჩაირთვება.
- ტაიმერის კონტროლი - დარწმუნდით, რომ ტაიმერის კონტროლი სწორად არის დაყენებული. თუ ის გაუმართავია, სარეცხი მანქანა შეიძლება არ ჩაირთოს.
- გაუმართავმა მართვის პანელმა ასევე, შეიძლება ხელი შეუშალოს თქვენი სარეცხი მანქანის ჩართვას. ეს რთული საკითხია, რომელიც შეიძლება პროფესიონალურ დახმარებას საჭიროებდეს.
- თუ თქვენი სარეცხი მანქანა გაუთავებლად მუშაობდა, შესაძლოა მისი გაგრილების დროა. შესაძლოა, შესვენება დასჭირდეს ისეთ სარეცხი მანქანასაც კი, როგორიც თქვენი სარეცხი მანქანაა, რომელიც ინტენსიური და მუდმივი გამოყენებისთვისაა შექმნილი. გამორთეთ ტექნიკა და ცოტა ხნით არ ამუშაოთ. შესაძლოა, რამდენიმე საათის შემდეგ შეძლოთ სარეცხის რეცხვის განახლება.
კიდევ რა ტიპის გაუმართაობა შეიძლება სარეცხი მანქანას დაემართოს ?
სარეცხი მანქანის ძრავა უზრუნველყოფს როგორც რხევის, ასევე ბრუნვის ციკლების მუშაობას. თუ ძრავა გაუმართავია, შესაძლოა მანქანა საერთოდ არ ჩაირთოს, ან შეიძლება ჩაირთოს, მაგრამ სარეცხ მანქანაზე ბრუნვის ციკლი არ სრულდებოდეს. ძრავის პრობლემის გავრცელებული ნიშნებია უცნაური ზუზუნი, გუგუნი ან ჭრიალის ხმები. ძრავის შეცვლა მარტივი, საკუთარი ხელით შესასრულებელი სამუშაო არ არის. ეს რთულია მძიმე ნაწილებისა და ელექტროგაყვანილობის გამო, ამიტომ უმჯობესია პროფესიონალს მიმართოთ.
- თუ სარეცხი მანქანიდან წყალი ჟონავს - შეამოწმეთ წყლის შემყვანი და დამცლელი მილები, რომ არ იყოს იქ რაიმე დაზიანება. დაზიანების არსებობის შემთხვევაში უმჯობესია წყლის მიწოდება შეზღუდოთ და გადაკეტოთ წყლის მილი.
- თუ რეცხვის პროცესში არ ხდება სარეცხი სითხის ან ფხვნილის მიწოდება - გაასუფთავეთ დისპანსერი და გამოიყენეთ სწორი ტიპის სითხე ან ფხვიერი სარეცხი პროდუქტი ქსოვილის და სარეცხის ფერის შესაბამისად.
- თუ მუშაობის დროს თქვენი სარეცხი მანქანა მოძრაობს - შეამოწმეთ რამდენად სწორ ზედაპირზე დგას ის. სარეცხი მანქანის ფეხები დააფიქსირეთ და დააყენეთ თანაბარ სიმაღლეზე.
- თუ წყლის წნევა დაბალია ან წყალმომარაგების მილები დაბლოკილია, შესაძლოა თქვენი მანქანა არ ჩაირთოს. დარწმუნდით, რომ წყალმომარაგების ონკანები სრულად ღიაა და შეამოწმეთ შესასვლელი შლანგები რაიმე სახის გაჭედვაზე, ბლოკირებაზე ან დაზიანებაზე. თუ წყლის შემშვები შლანგები ან ფილტრები ნარჩენებით არის გაჭედილი, ისინი კარგად გაწმინდეთ.
- არ დატვირთოთ სარეცხი მანქანის ზედა მხარე რაიმე სიმძიმეებით. სიმძიმეების სარეცხი მანქანის ზედაპირზე დალაგება, ხშირად ხელს უშლის მის გამართულ მუშაობას და აფერხებს რეცხვის პროცესს.
როდის ღირს სარეცხი მანქანის შეკეთება ახლის ყიდვის ნაცვლად ?
სარეცხი მანქანის შეკეთების საკითხი ხშირად ფასს, მოხერხებულობასა და ტექნიკის დარჩენილ სიცოცხლის ხანგრძლივობას შორის ბალანსზეა დამოკიდებული. განვიხილოთ რამდენიმე კრიტიკული ფაქტორი, რომელიც დაგეხმარებათ განსაზღვროთ, როდის არის უფრო მიზანშეწონილი თქვენი სარეცხი მანქანის შეკეთება ახალი სარეცხი მანქანის ყიდვის ნაცვლად.
სარეცხი მანქანის ასაკი - როგორც წესი, სარეცხი მანქანები 10-დან 15 წლამდე მუშაობისთვისაა შექმნილი. თუ თქვენ უკვე ხუთი წელია რაც იყენებთ სარეცხ მანქანას, როგორც წესი, რაიმე დაზიანების შემთხვევაში კარგი იდეაა მისი შეკეთება. თუმცა, რვა წელზე მეტი დროის გამოყენების შემთხვევაში უმჯობესია, სარეცხი მანქანის შეკეთების ნაცვლად, შეადაროთ შეკეთების ღირებულება ახალი მოდელის შეძენის პოტენციურ სარგებელს.
შეკეთების ღირებულება vs. ჩანაცვლება - თუ სარეცხი მანქანის შეკეთების ღირებულება ახალ სარეცხ მანქანაში დახარჯული თანხის 50%-ზე ნაკლებია, ზოგადად უმჯობესია, მისი შეკეთება.
შეკეთების სიხშირე - თუ ეს თქვენი სარეცხი მანქანის პირველი მნიშვნელოვანი პრობლემაა, მისი შეკეთება, როგორც წესი, საუკეთესო ვარიანტია. თუმცა, თუ ბოლო ერთი წლის განმავლობაში სარეცხი მანქანის შეკეთება რამდენჯერმე მოგიწიათ და, როგორც ჩანს, ის უფრო ხშირად ფუჭდება, შეკეთების ხარჯები შეიძლება სწრაფად გაიზარდოს და ბევრად მეტი დაგროვდეს. ამ შემთხვევაში, სარეცხი მანქანის შეცვლა შეიძლება უკეთესი იყოს.
ნაწილების ხელმისაწვდომობა - როდესაც მწარმოებლები წყვეტენ სარეცხი მანქანის მოდელების წარმოებას, ისინი ხშირად წყვეტენ მის შესაკეთებლად საჭირო ნაწილების წარმოებასაც. თუ თქვენი ძველი მოდელის სათადარიგო ნაწილები იშვიათობაა, მაშინ უკვე დროა დაიწყოთ ახალი მოწყობილობის შეძენა დროებით შეკეთებაში ფულის დახარჯვის ნაცვლად.
როგორ უნდა შეარჩიოთ სარეცხი მანქანის ხელოსანი ?
იმისთვის, რომ სწორად შეარჩიოთ პროფესიონალი სარეცხი მანქანის ხელოსანი, რომელიც იქნება გამოცდილი და დაგიზოგავთ დროს, ხარჯებთან ერთად, უნდა გაითვალისწინოთ მთავარი ფაქტორები, მათ შორის:
- პირველ რიგში, შეარჩიეთ, გამოცდილი ხელოსანი, რომელსაც აქვს სარეცხი მანქანების შეკეთების მრავალწლიანი გამოცდილება და კარგად იცნობს სხვადასხვა მოდელის სარეცხი მანქანის ტექნიკურ მახასიათებლებს.
- ხელოსნის მოსვლამდე გაიარეთ მასთან სატელეფონო კონსულტაცია და წინასწარ დააზუსტეთ მომსახურების ღირებულება, რათა ადგილზე არ მოხდეს რაიმე გაუგებრობა. კარგად გაეცანით სარეცხი მანქანის ხელოსნის შესახებ გამოქვეყნებულ განცხადებას, გაესაუბრეთ ხელოსანს და ჰკითხეთ დამატებითი ხარჯების შესახებ.
- ენდეთ სარეცხი მანქანის იმ ხელოსანს, რომელიც თავის შესრულებულ საქმეზე გაძლევთ გარანტიას. ეს დაგიზოგავთ ხარჯებს და თავიდან აგარიდებთ გაუთვალისწინებელ ფინანსურ დანაკარგს.
- თუ ხელოსანს არჩევთ ინტერნეტ სივრცეში, აუცილებლად გაეცანით მომხმარებლების შეფასებებს და გაითვალისწინეთ მათი რეალური გამოცდილება. ეს დაგეხმარებათ, რომ შეარჩიოთ ხელოსანი, რომელიც მაქსიმალურად მცოდნე და პასუხისმგებლობიანია.
- დარწმუნდით, რომ სარეცხი მანქანის ხელოსანი არის პუნქტუალური და თავად მოაქვს ადგილზე საჭირო ტექნიკური ხელსაწყოები და თქვენ არ გიწევთ ზედმეტი ხარჯის გაწევა.
- გახსოვდეთ, რომ პროფესიონალი ხელოსანი გამოირჩევა თავაზიანობით და კომუნიკაციის სწორი ფორმით. მასთან სატელეფონო ან პირადი კომუნიკაციის დროს თქვენ არ გიწევთ ზედმეტად ნერვიულობა და ხელოსანი ფოკუსირებულია სარეცხი მანქანის შეკეთებაზე.
რას სთავაზობს სარეცხი მანქანის შეკეთების სერვისი მომხმარებლებს ?
სარეცხი მანქანის პროფესიონალური შეკეთება მომხმარებელს სთავაზობს შემდეგ სერვისებს:
- თქვენთვის სასურველ ადგილზე სწრაფ და ხარისხიან მომსახურებას. სარეცხი მანქანის შეკეთების სპეციალისტი ნებისმიერი სახის დაზიანებას აღმოფხვრის უმოკლეს დროში;
- სარეცხი მანქანის მცირედი გაუმართაობის შეკეთებაც კი ხარჯებს დაგიზოგავთ. დროული შეკეთება თავიდან აგარიდებთ მომავალში უფრო დიდ და ძვირადღირებულ პრობლემებს;
- პროფესიონალი ხელოსნები იყენებენ მხოლოდ სარეცხი მანქანის ორიგინალ სათადარიგო ნაწილებს, რაც თქვენი საყვარელი სარეცხი მანქანის ეფექტურ მუშაობას უზრუნველყოფს.