"ოკუპანტები განდევნეს..." - უკრაინული ძალების სპეცოპერაცია და რუსებისგან გათავისუფლებული სოფელი: რა კადრებს ავრცელებენ სამხედროები

უკრაინელებმა დონეცკის ოლქში, ლიმანის მიმართულებით, ნოვომიხაილოვკაზე კონტროლი დაიბრუნეს, - ინფორმაციას უკრაინული მედია დაზვერვის მთავარ სამმართველოზე დაყრდნობით ავრცელებს.

• მათივე ინფორმაციით, ოპერაცია უკრაინის თავდაცვის სამინისტროს დაზვერვის მთავარი სამმართველოს აქტიური ოპერაციების დეპარტამენტის ძალებმა, კერძოდ, ქვედანაყოფმა "არტანმა" და მესამე სადესანტო ბრიგადის მე-2 სადესანტო ბატალიონმა განახორციელეს - ოკუპანტები განდევნეს და ნოვომიხაილოვკაზე კონტროლი აღადგინეს.

"მტერმა პირადი შემადგენლობიდან დაახლოებით ასეული დაკარგა და იძულებული გახდა, რეზერვები ფრონტის სხვა ნაწილებიდან გადაეყვანა“, - განაცხადეს დაზვერვის მთავარ სამმართველოში.

ცნობისთვის, უკრაინის შეიარაღებული ძალების მთავარსარდალმა, ალექსანდრ სირსკიმ გუშინ განაცხადა, რომ უკრაინელებმა დონეცკის ოლქის სოფლები : ზელენი გაი, იხაილოვკა და ვლადიმიროვკა გაათავისუფლეს.