ისრაელის თავდაცვის ძალების მიერ ღაზაში მდებარე საავადმყოფოზე დარტყმის შედეგად, 20 ადამიანი, მათ შორის, 4 ჟურნალისტი დაიღუპა, - ამის შესახებ ინფორმაციას გამოცემა Axios-ი ავრცელებს.
ისრაელის სარაკეტო დარტყმებს Reuters-ის, Associated Press-ის, NBC–ისა და "ალ-ჯაზირას“ ჟურნალისტები ემსხვერპლნენ.
ისრაელის თავდაცვის ძალებში დაადასტურეს, რომ საავადმყოფოს ტერიტორიაზე სარაკეტო დარტყმა განახორციელეს.
ისრაელის თავდაცვის ძალების წარმომადგენელმა, ნადავ შოშანმა განაცხადა, რომ ისრაელის თავდაცვის ძალების გენერალური შტაბის უფროსმა, გენერალ-ლეიტენანტმა ეიალ ზამირმა, მომხდართან დაკავშირებით გამოძიების დაწყების ბრძანება გასცა.