ვუდი ალენმა მოსკოვის კინო კვირეულში მიიღო მონაწილეობა - კრიტიკა უკრაინაში და ლეგენდარული რეჟისორის პასუხი

ამერიკელმა რეჟისორმა ვუდი ალენმა მოსკოვის საერთაშორისო კინო კვირეულში დისტანციურად, ვიდეო ჩართვით მიიღო მონაწილეობა.

• "მსოფლიო კინოს ლეგენდების“ სესიაზე. 24 აგვისტოს, მან ისაუბრა რუსული კინოს მიმართ სიყვარულზე და გამოხატა თბილი დამოკიდებულება მოსკოვისა და სანქტ-პეტერბურგისადმი.

ამ ამბავს გამოხმაურება მოჰყვა უკრაინაში - უკრაინის საგარეო საქმეთა სამინისტრომ დაგმო 89 წლის ჰოლივუდელი ლეგენდის მონაწილეობა ამ ღონისძიებაში და მომხდარს "სამარცხვინო" უწოდა.

• "ეს სირცხვილი და შეურაცხყოფაა უკრაინელი მსახიობებისა და კინორეჟისორების მსხვერპლთა მიმართ, რომლებიც დაიღუპნენ ან დაიჭრნენ რუსი სამხედრო დამნაშავეების მიერ რუსეთის ფედერაციის მიერ უკრაინის წინააღმდეგ აგრესიის დროს“, - ნათქვამია უკრაინის საგარეო საქმეთა სამინისტროს განცხადებაში.

სამინისტროს განცხადებაში აღნიშნულია, რომ ვუდი ალენის ეს ნაბიჯი იმ სისასტიკის უგულებელყოფაა, რასაც რუსეთი უკრაინაში სჩადის უკვე წლებია.

რეჟისორმა კრიტიკას უპასუხა და აღნიშნა, რომ მისი აზრით, შემოქმედებითი კავშირების შეწყვეტა, ვერავის დაეხმარება/

"როდესაც საქმე უკრაინაში კონფლიქტს ეხება, მტკიცედ მწამს, რომ ვლადიმერ პუტინი სრულიად ცდება. მის მიერ დაწყებული ომი საშინელია. მაგრამ რასაც არ უნდა აკეთებდნენ პოლიტიკოსები, არ მგონია, რომ შემოქმედებითი დიალოგის დასრულება დახმარების კარგი გზა იყოს", - თქვა ვუდი ალენმა ბრიტანულ "გარდიანთან"