"36 კვადრატში რომ 6 კაცია და ჰაერი არ არის, ეს წამებაა - ეს ციხე არ არის" - ვასილ კაძელაშვილი
ეს ციხე არ არის, ეს არის წამება , - ამის შესახებ ჯგუფურ ძალადობაში მონაწილეობის ბრალდებით დაკავებულმა, ვასილ კაძელაშვილმა დასკვნითი სიტყვის დროს განაცხადა.
- მან ისაუბრა, თუ რა მძიმე პირობებია ციხეში და როგორ უჭირთ იქ ყოფნა.
"36 კვადრატში 6 კაცი რომ არის და იქ ჰაერი არ არის, ეს წამებაა“, - განაცხადა მან დასკვნითი სიტყვის დროს.
ზვიად ცეცხლაძისა და კიდევ შვიდი პირის საქმეზე განაჩენს, მოსამართლე თამარ მჭედლიშვილი სავარაუდოდ, 2 სექტემბერს, 12:00 საათზე გამოაცხადებს. დღევანდელ სხდომაზე ბრალდებულების ადვოკატებმა დასკვნითი სიტყვით ისარგებლეს. ასევე, საბოლოო სიტყვა წარმოთქვეს თავად ბრალდებულებმა და განმარტეს, რომ თავს უდანაშაულოდ ცნობენ.
ცნობისთვის, დაკავებული 8 პირიდან სამს - ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან. მათ 6-დან 9-წლამდე თავისუფლების აღკვეთა ემუქრებათ. ბრალდებულებიდან ხუთს - გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს ჯგუფურ ძალადობაში მონაწილეობას ედავებიან. მათ 4-დან 6-წლამდე თავისუფლების აღკვეთა ემუქრებათ.