“თამთა მეგრელიშვილს აუცილებლად ვუჩივლებ... რამე ფსიქიკური პრობლემები მე არ მქონია“ - ანუკი ჩრდილელი

რუსთაველის გამზირზე მიმდინარე აქციაზე დაკავებული, ანუკი ჩრდილელი ამბობს, რომ ექსპერტ, თამთა მეგრელიშვილს უჩივლებს. მისივე თქმით, ექსპერტმა თამთა მეგრელიშვილმა მის ჯანმრთელობის მდგომარეობაზე არასწორი ინფორმაცია გაავრცელა.

• მისი თქმით, დაკავებისას სამართალდამცველებმა ყოველგვარი გაფრთხილების გარეშე მიუთითეს და დააკავეს, მიუხედავად იმისა, რომ ტროტუარზე იდგა.

“თითით ანიშნეს ჩემზე, ეს დააკავეთო. ტროტუარზე ვიდექი, შესაბამისად არ ყოფილა არანაირი გაფრთხილება, ან მოწოდება. ფიზიკურად ვერ იქნებოდა, რადგან დღისით ვიდექი რუსთაველის თეატრთან, არ ვიცი, რა დავაშავე ტროტუარზე დგომით. ოქმში ჩამიწერეს, რომ ვილანძღებოდი და ვიგინებოდი, ასეთი არაფერი ყოფილა. ასევე, ვინც მანქანაში შემაგდო სხვა ადამიანია, ხოლო დამკავებლად სრულიად სხვა ადამიანი გამიფორმეს.

არ ვიცი მეგრელიშვილს რატომ ჰგონია , რომ მე „ნაცებს“ ან „ქოცებს“ ვარ მიბმული და ამ ჩემ ჯანმრთელობის მდგომარეობაზე ადვოკატმა ქალმა ისაუბროს. აუცილებლად ვუჩივლებ სამართლებრივად. ცრუ ჯანმრთელობის მდგომარეობის გამოტანა ასე არ ხდება. რამე ფსიქიკური პრობლემები მე არ მქონია და თუ ეს საჯაროა ეს ყველაფერი, ამაზე მე დასკვნას გამოვიტან

არანაირი ფსიქიკური პრობლემა არ მქონია, თუ საჯაროა ეს ყველაფერი, მე გამოვიტან ამის დასკვნას, არ მაქვს პრობლემა. ჩემს ჯანმრთელობის მდგომარეობას ნაცები არ იყენებდნენ. საერთოდ არავის გამოუყენებია 29 წლის განმავლობაში",- აცხადებს ჩრდილელი.

• შეგახსენებთ, აქტივისტი ანუკი ჩრდილელი სამართალდამცველებმა 2 სექტემბერს, რუსთაველის გამზირზე ადმინისტრაციულ სამართალდარღვევათა კოდექსის 166-ე და 173-ე მუხლებით, რაც პოლიციის წინააღმდეგობის გაწევასა და წვრილმან ხულიგნობას გულისხმობს. მის გარდა იმ დღეს დააკავეს კიდევ 22 პირი.

ანუკი ჩრდილელი “ქართული ოცნებიდან“ თბილისის საკრებულოს დეპუტატობის კანდიდატის ოთარ ჩრდილელის შვილია. ოთარ ჩრდილელი ქართული ოცნების პროპორციული სიის მე-10 ნომრად კახა კალაძემ 1-ელ სექტემბერს წარადგინა.

მისი დაკავების შემდეგ, თამთა მეგრელიშვილმა და სხვა პირებმა სოციალურ ქსელში გაავრცელეს ინფორმაცია ანუკი ჩრდილელის ჯანმრთელობის მდგომარეობის შესახებ, სადაც მის ფსიქიკურ ჯანმრთელობაზე წერდნენ.

იხილეთ ასევე:

• აქციის დაკავებულ მონაწილეებს შორის არის "ქართული ოცნების" წარმომადგენლის, ოთარ ჩრდილელის შვილი - რა დეტალებია ცნობილი