გამაოგნებელი მარცხი: ესპანეთმა თურქეთი გასვლაზე გაანადგურა - საქართველო ჯგუფში მე-2 ადგილზეა

მსოფლიოს ჩემპიონატის საკვალიფიკაციო ეტაპის მეორე ტურში, E ჯგუფში, სადაც საქართველოს ნაკრები ასპარეზობს, ესპანეთმა გასვლაზე თურქეთს 0:6 მოუგო.

ესპანელთა მიერ გატანილი ყველა გოლი საფეხბურთო ხელოვნების ნიმუში გახლდათ. ჰეთ-თრიკი მიითვალა მიკელ მერინომ, დუბლი - პედრიმ. არ გაუტანია ლამინ იამალს, თუმცა სასწაულად ითამაშა და დიდებული სოლორეიდის შემდეგ რომ შეეგდო, დაახლოებით ისეთივე შედევრს გვაჩუქებდა, როგორიც თავის დროზე დიეგო მარადონამ და ლიონელ მესიმ გვაჩუქეს

ესპანეთი 6 ქულით ლიდერია, საქართველოს და თურქეთს 3-3 ქულა აქვთ, მაგრამ უკეთესი დამატებითი მაჩვენებლებით ჩვენი გუნდი მეორე ადგილზეა. ბულგარეთი უქულოდაა.

11 ოქტომბერს ესპანეთი საქართველოს უმასპინძლებს, ხოლო თურქეთი ბულგარეთს ესტუმრება.

იხილეთ ასევე:

• "კაშიას არ თამაში სანიოლის გადაწყვეტილება იყო... გურამი პროფესიონალია, ეს ისე მიიღო, როგორც უნდა მიეღო" - რა შეფასებები მიიღეს ქართველებმა და რა თქვეს მწვრთნელებმა?
• მატჩის ნამდვილი ლიდერი კაპიტნის სამკლავურით: რა თქვა "კვარამ" მოგების შემდეგ?