რუსული დრონები პოლონეთის თავზე, დახურული აეროპორტები და "უპრეცედენტოდ დარღვეული საჰაერო სივრცე" - რა ხდება პოლონეთში და რას აცხადებენ ოფიციალური პირები (ფოტოები)
წუხელ უკრაინაში რუსეთი თავდასხმის დროს, რუსული დრონები პოლონეთის ცაზეც გამოჩნდნენ.
მომხდარის გამო ოთხი აეროპორტი, მათ შორის ვარშავაში მდებარე ყველაზე დიდი აეროპორტი, დაიხურა.
- მედიის ინფორმაციით, დაიხურა ვარშავაში მდებარე ორი აეროპორტი - შოპენის აეროპორტი და ვარშავის მოდლინის აეროპორტი. ასევე ჟეშოვ-იასიონკას აეროპორტი - რომელიც უკრაინასთან ყველაზე ახლოს მდებარეობს - და ლუბლინის აეროპორტი.
პოლონეთმა აეროპორტების დახურვის გადაწყვეტილება მას შემდეგ მიიღო, რაც რუსეთმა პოლონეთთან საზღვართან ახლოს მდებარე უკრაინის რეგიონებზე კიდევ ერთი მასშტაბური თავდასხმა განახორციელა.
პოლონეთის არმიის ოპერატიული სარდლობის განცხადებით, პოლონეთის საჰაერო სივრცე უპრეცედენტოდ დაარღვიეს.
"რუსეთის ფედერაციის მიერ უკრაინის ტერიტორიაზე თავდასხმის შედეგად, დრონების ტიპის ობიექტებმა პოლონეთის საჰაერო სივრცე უპრეცედენტოდ დაარღვიეს“, - აღნიშნულია სოციალურ მედია პლატფორმა X-ზე გამოქვეყნებულ პოსტში.
სარდლობის განცხადებით, პოლონეთის საჰაერო სივრცეში შესული დრონები რეალურ საფრთხეს წარმოადგენდნენ პოლონეთის მოქალაქეების უსაფრთხოებისთვის.
- განცხადების თანახმად, როდესაც დრონები საჰაერო სივრცეში შევიდნენ, ისინი ჩამოაგდეს და ამჟამად მიმდინარეობს ძალისხმევა ობიექტების პოტენციური ჩამოვარდნის ადგილების დასადგენად.
"პოლონეთის და მოკავშირეთა ძალები და საშუალებები სრულ მზადყოფნაში არიან შემდგომი ოპერაციებისთვის“, - აღნიშნულია განცხადებაში.
პოლონეთის პრეზიდენტის, კაროლ ნავროცკის განცხადებით, ეროვნული უსაფრთხოების ბიუროში კიდევ ერთ ბრიფინგს ჩაატარებს, რომელსაც პრემიერ-მინისტრი დონალდ ტუსკიც დაესწრება.
- "ჩვენი სამშობლოს უსაფრთხოება ჩვენი უმაღლესი პრიორიტეტია და მჭიდრო თანამშრომლობას მოითხოვს“, - აღნიშნა პოლონეთის პრეზიდენტმა.
შეგახსენებთ, დღეს დილით, რუსეთის მიერ უკრაინაზე განხორციელებული თავდასხმის დროს, დრონები პოლონეთის საჰაერო სივრცეში შეიჭრნენ. პოლონეთმა დრონების გასანეიტრალებლად ოპერაცია ჩაატარა.