40 სინათლის წლის მანძილზე მდებარე პლანეტას შესაძლოა დედამიწის მსგავსი ატმოსფერო ჰქონდეს - რას ამბობენ ექსპერტები
ექსპერტების აზრით, ირმის ნახტომის გალაქტიკაში არსებულ პლანეტას შესაძლოა ატმოსფერო ჰქონდეს, რაც ზრდის იმის შესაძლებლობას, რომ მის ზედაპირზე სიცოცხლეა.
- მკვლევარების თქმით, TRAPPIST-1e, დედამიწის მსგავსად, პოტენციურად სასიცოცხლოდ ვარგის ზონაში მდებარეობს, არც ისე ახლოს ვარსკვლავთან, რომ დაიწვას და არც ისე შორს, რომ ყინულოვანი პირობები შეექმნას.
"თუ არსებობს ერთ-ერთი ასეთი პლანეტა, რომელსაც პოტენციურად შეუძლია ზედაპირზე თხევადი წყლის შენარჩუნება, ეს სწორედ TRAPPIST-1e-ა“, - განუცხადა "ნიუ-იორკ თაიმსს“ კორნელის უნივერსიტეტის ეგზოპლანეტების მკვლევარმა და ნაშრომის ავტორმა ნიკოლ ლუისმა.
ატმოსფეროს არსებობა დადასტურებული არ არის და მეცნიერებს წარმოდგენა არ აქვთ, როგორია TRAPPIST-1e-ს ზედაპირი ან არსებობს თუ არა იქ სითხე. კვლევის თანაავტორი, რაიან მაკდონალდი და მისი კოლეგები გეგმავენ TRAPPIST-1e-ს შესწავლას, ხოლო მომდევნო წლებში კიდევ 15 ტრანზიტის განხორციელებას, იტყობინება NBC News.
TRAPPIST-1e-ის აღმოჩენამდე, მეცნიერებმა მარსზე სიცოცხლის მინიშნებები იპოვეს: ოთხშაბათს ჟურნალ „Nature“- ში გამოქვეყნებულ კვლევაში ნათქვამია, რომ NASA-ს როვერმა Perseverance-მა აღმოაჩინა წერტილოვანი ქანები, რომლებიც შესაძლოა მარსზე სიცოცხლის არსებობის ყველაზე მტკიცე მტკიცებულებას წარმოადგენდეს.