"იყოს ძლიერი მამაკაცი, რომელსაც დენთის სუნი ასდის, ქალი ამ "ცხელ ტაფაში" არ უნდა ჩავაგდოთ" - ლუკაშენკო პრეზიდენტის თანამდებობაზე მემკვიდრეს არჩევს

ბელარუსის ლიდერი, ალექსანდრე ლუკაშენკო თავის პოტენციურ მემკვიდრეზე საუბრობს.

• "მე ამაზე მუდმივად ვლაპარაკობ, რათა შევეჩვიოთ ამ აზრს. შესანიშნავი კი არ ვარ, უბრალოდ დიდი ხანია ამ თანამდებობაზე ვარ. მე ვეძებ მომავალ პრეზიდენტს ჩვენს საზოგადოებაში. ახალი ადამიანის პრეზიდენტად გახდომას დრო სჭირდება. თუ ის ამით არ არის დაბადებული, თუ პრეზიდენტობის ბუნებრივი ნიჭი არ აქვს, ბელარუსის საქმეებში ნუ ჩაერევა", - აცხადებს ლუკაშენკო.

მისივე თქმით, სურს, ბელარუსის პრეზიდენტი იყოს "ძლიერი მამაკაცი, რომელსაც ნამდვილი დენთის სუნი ასდის".

"ეს ჩემი აზრია. კაცი, რომელიც უდიდეს პატივს სცემს ქალებს. ქალი ბუნებისგან შექმნილია, მაგრამ, მე მჯერა, რომ ქალი ამ "ცხელ ტაფაში" არ უნდა ჩავაგდოთ", - თქვა ლუკაშენკომ.

• 2024 წლის ნოემბერში ლუკაშენკომ განაცხადა, რომ ქალი არ შეიძლება იყოს ბელარუსის პრეზიდენტი, რადგან ეს "არა ცერემონიალური თანამდებობა, არამედ ყველაზე რთული სამუშაოა".

"ღმერთმა ნუ ქნას, რომ ქალი აირჩიონ, რადგან ამ თანამდებობაზე ყველაფერი უნდა გესმოდეს. პრეზიდენტი არის მთავარსარდალი, შეერთებული შტატების პრეზიდენტისგან განსხვავებით. შესაძლოა, დროთა განმავლობაში ამ სტილამდე მივიდეთ. მაგრამ ახლა ეს სხვაგვარადაა“, - თქვა ლუკაშენკომ მაშინ.

სოციალურ ქსელებში უკვე გამოჩნდა ხელოვნური ინტელექტის მიერ გენერირებული ფოტოები - როგორი უნდა იყოს ბელარუსის მომავალი პრეზიდენტი.

<script async src="https://telegram.org/js/telegram-widget.js?22" data-telegram-post="fontankaspb/90002" data-width="100%"></script>